ബിജെപിയിലെ ഗ്രൂപ്പ് കൊല്ലത്ത് ചേരിതിരിഞ്ഞ് അടി

ബി ജെ പി ക്കുള്ളില്‍ ശക്തമായിരിക്കുന്ന ഗ്രൂപ്പ് പോര് തെരുവ് യുദ്ധത്തിലേക്ക് നീങ്ങി. കൊല്ലം ശക്തികുളങ്ങരയില്‍ കുമ്മനം രാജശേഖരന്റെ മുന്നിലായിരുന്നു ബിജെപി പ്രവര്‍ത്തകരുടെ ഏറ്റുമുട്ടല്‍.
ആര്‍എസ്എസ് കാര്യവാഹക് അജയന്റെ നേതൃത്വത്തിലുള്ള സംഘവും ബിജെപി മണ്ഡലം പ്രസിഡന്റ് രാജുപിള്ളയുടെ സംഘവുമാണ് ഏറ്റുട്ടിയത്.

വ്യാഴാഴ്ച വൈകിട്ട് ശക്തികുളങ്ങര ക്ഷേത്രത്തില്‍നിന്ന് ദര്‍ശനം കഴിഞ്ഞ് കുമ്മനം പുറത്തേക്ക് ഇറങ്ങുമ്പോഴായിരുന്നു സംഭവം. കുമ്മനത്തിന്റെ ആശിര്‍വാദം തേടിയെത്തിയ ശക്തികുളങ്ങര ഡിവിഷനിലെ സ്ഥാനാര്‍ഥി പ്രമോദിനെ ബിജെപി പക്ഷ സ്ഥാനാര്‍ഥി രവി കൈയേറ്റം ചെയ്തു.

തുടര്‍ന്ന് ഇരുസംഘങ്ങളും ഗ്രൂപ്പുതിരിഞ്ഞ് തമ്മില്‍ത്തല്ലുകയായിരുന്നു. ബിജെപിയിലെ ഔദ്യോഗിക വിഭാഗം അറിയാതെ ആര്‍എസ്എസുകാര്‍ കുമ്മനത്തെ കൊണ്ടുവന്നതിനെ ചൊല്ലിയാണ് സംഘര്‍ഷം തുടങ്ങിയത്.

കുമ്മനത്തെ വണങ്ങുന്നതിനിടെ പ്രമോദിന്റെ മുണ്ട് അഴിഞ്ഞുവീണതിനാല്‍ ആക്രമണം പ്രതിരോധിക്കാനും കഴിഞ്ഞില്ല. ആദ്യം പിന്മാറിയ ആര്‍എസ്എസുകാര്‍ തിരിച്ചടിക്കാന്‍ തയ്യാറായി വീണ്ടും സംഘടിച്ചെത്തിയതോടെ സംഘര്‍ഷാന്തരീക്ഷമായി. പൊലീസ് സ്ഥലത്ത് ക്യാമ്പ് ചെയ്യുന്നുണ്ട്.