ത്രിപുര ബിജെപിയില്‍ പോര്

സര്‍ക്കാര്‍ ഉടന്‍ താഴെ വീഴുമെന്ന് സംസ്ഥാന കോണ്‍ഗ്രസ് അധ്യക്ഷന്‍

ത്രിപുര ബിജെപിയില്‍ പോര് ശക്തമാണെന്നും സര്‍ക്കാര്‍ ഉടന്‍ താഴെ വീഴുമെന്നും സംസ്ഥാന കോണ്‍ഗ്രസ് അധ്യക്ഷന്‍ പിയൂഷ് ബിശ്വാസ് പറഞ്ഞു. സംസ്ഥാനത്തെ ഏഴ് ബിജെപി എംഎല്‍മാര്‍ കോണ്‍ഗ്രസുമായി ചര്‍ച്ച നടത്തിയെന്നും അവര്‍ ഉടന്‍ കോണ്‍ഗ്രസില്‍ ചേരുമെന്നും അദ്ദേഹം കൂട്ടിച്ചേര്‍ത്തു.
എന്നാല്‍ പിയൂഷിന്റെ വാക്കുകള്‍ തള്ളി ബിജെപി വക്താവ് രംഗത്ത് വന്നു, ഇത്തരം പറച്ചിലുകള്‍ കൊണ്ടെന്നും കോണ്‍ഗ്രസിനെ ഉത്തേജിപ്പിക്കാനാവില്ലെന്നും കോണ്‍ഗ്രസ് ദേശീയ അധ്യക്ഷന്‍ പോലും പാര്‍ട്ടി മൂഡിലാണെന്നും ബിജെപി വക്താവ് പരിഹസിച്ചു.ഏറെ കാലം സിപിഎം ഭരിച്ച സംസ്ഥാനം അട്ടിമറിയിലൂടെയാണ് ബിജെപി പിടിച്ചെടുത്തത്, മുഖ്യമന്ത്രി മണിക് സര്‍ക്കാരിനെ അമ്പേ പരാജയപ്പെടുത്തി ബിപ്ലബ് കുമാര്‍ ദേവ് മുഖ്യമന്ത്രിയായി, എന്നാല്‍ ബിപ്ലബിന് പാര്‍ട്ടിയെയും സര്‍ക്കാരിനെയും ഒരുമിച്ച് കൊണ്ടുപോകാന്‍ സാധിക്കുന്നില്ല.