ഭാര്യയെ മകളുടെ മുന്നില്‍ വച്ചു കഴുത്തറത്ത് കൊലപ്പെടുത്തി

ഇടുക്കി : പീരുമേട്ടില്‍ ഭര്‍ത്താവ് ഭാര്യയെ കഴുത്തറുത്ത് കൊന്നു. ചന്ദ്രവനം പ്രിയദര്‍ശിനി കോളനിയില്‍ രാജലക്ഷ്മി (30)ആണ് കൊല്ലപ്പെട്ടത്. ഭര്‍ത്താവ് രാജ (36)യെ പൊലീസ് അറസ്റ്റ് ചെയ്തു.

പത്ത് വര്‍ഷം മുന്‍പ് ഭര്‍ത്താവിനെയും മകളെയും ഉപേക്ഷിച്ചു രാജലക്ഷ്മി രാജയ്‌ക്കൊപ്പം വരികയായിരുന്നു. ഇവര്‍ക്ക് ആറു വയസുള്ള പെണ്‍കുട്ടിയുണ്ട്. ഈ കുട്ടിയുടെ മുന്നില്‍വച്ചാണ് കൊലപാതകം നടന്നത്.

ദിവസങ്ങളായി രാജനും രാജലക്ഷ്മിയും തമ്മില്‍ കലഹത്തിലായിരുന്നുവെന്ന് പൊലീസ് പറയുന്നു. രാജലക്ഷ്മിയുടെ മേല്‍ സംശയം ഉണ്ടായിരുന്ന രാജന്‍ തര്‍ക്കത്തിനിടെ വാക്കത്തി ഉപയോഗിച്ച് കഴുത്തറുത്തു. സംഭവ സ്ഥലത്തു തന്നെ രാജലക്ഷ്മി മരിച്ചു.

സംഭവ ശേഷം ഓടി ഒളിച്ച രാജനെ സമീപത്തെ തേയില തോട്ടത്തില്‍ നിന്നാണ് പൊലീസ് അറസ്റ്റു ചെയ്തത്. രാജലക്ഷ്മിയുടെ മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടു നല്‍കും.