‘ഒരിക്കല്‍ നമ്മടെ ഹൃദയം കവര്‍ന്ന മാധവന്‍ ഇപ്പോള്‍ ഒരു മദ്യപാനിയാണ് ‘; എന്ന കമന്റിന് വിമര്‍ശകന് മറുപടി നല്‍കി താരം

സാമൂഹ്യമാധ്യമങ്ങളില്‍ ആരാധകരോട് സംവദിക്കാന്‍ സമയം കണ്ടെത്താറുള്ള താരമാണ് മാധവന്‍. സിനിമയ്ക്ക് പുറത്തെ വിശേഷങ്ങളും താരം പങ്കുവയ്ക്കാറുണ്ട്. മാധവന്റെ ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്. ഇപ്പോഴിതാ ഒരു ട്രോളിന് മാധവന്‍ നല്‍കിയ മറുപടിയാണ് ചര്‍ച്ചയാകുന്നത്. മാധവന്‍ തന്നെയാണ് ഫോട്ടോ ഷെയര്‍ ചെയ്തിരിക്കുന്നത്. താന്‍ മദ്യപാനി ആണ് എന്ന കമന്റിന് ആണ് മാധവന്‍ മറുപടി നല്‍കിയിരിക്കുന്നത്.
ഒരിക്കല്‍ മാധവന്‍ നമ്മുടെ ഹൃദയം കവര്‍ന്നിരുന്നു. ഇപ്പോള്‍ മദ്യപാനവും ലഹരിയും കാരണം മാധവന്റെ കരിയറും ജീവിതവും ഒക്കെ നശിക്കുന്നു. അദ്ദേഹത്തെ കണ്ണുകളും മുഖവും നോക്കിയാല്‍ മതി എല്ലാം മനസിലാകും എന്നായിരുന്നു കമന്റ്. ഓ താങ്കളുടെ രോഗനിര്‍ണയം ഇങ്ങനെയാണോ? നിങ്ങളുടെ രോഗികളെ ഓര്‍ത്ത് ഞാന്‍ ആശങ്കപ്പെടുന്നു, നിങ്ങള്‍ക്ക് ഡോക്ടറുടെ അപോയ്ന്‍മെന്റ് ആവശ്യമാണ് എന്നാണ് മാധവന്‍ മറുപടി നല്‍കിയത്. മാധവന്‍ കമന്റിന്റെ ഫോട്ടോയും ഷെയര്‍ ചെയ്തിട്ടുണ്ട്. മാധവന്റെ മറുപടി എല്ലാവരും ഏറ്റെടുത്തിരിക്കുകയാണ് ഇപ്പോള്‍.
നമ്പി നാരായണന്റെ ജീവിത കഥ പറയുന്ന റോകെട്രി: ദ നമ്പി ഇഫക്റ്റ് എന്ന സിനിമയിലാണ് മാധവന്‍ ഇപ്പോള്‍ അഭിനയിക്കുന്നത്. മാധവന്‍ തന്നെയാണ് റോകെട്രി: ദ നമ്പി ഇഫക്റ്റ് എന്ന ചിത്രം സംവിധാനം ചെയ്യുന്നതും.