പാപ്പാനെ ആന കുത്തിക്കൊന്നു

നെയ്യാറ്റിന്‍കരയില്‍ പാപ്പാനെ ആന കുത്തിക്കൊന്നു. രണ്ടാം പാപ്പാന്‍ വിഷ്ണുവാണ് ആനയുടെ കുത്തേറ്റ് മരിച്ചത്.ആനയുടെ കുത്തേറ്റ് ആശുപത്രിയില്‍ കൊണ്ടു പോകുന്ന വഴിയാണ് മരണം സംഭവിച്ചത്.ആനയെ അരുവിപ്പുറം ആയയില്‍ കരിയിലകുളങ്ങര ക്ഷേത്രത്തിലേയ്ക്ക് കൊണ്ടുവരുന്നതിനിടെയാണ് സംഭവം. മണിക്കൂറുകള്‍ നീണ്ട പരിശ്രമത്തിനൊടുവില്‍ ആനയെ തളച്ചു. ക്ഷേത്രത്തിന് സമീപത്തെ സ്വകാര്യ പുരയിടത്താണ് പതിവായി ആനയെ കെട്ടുന്നത്. ശനിയാഴ്ച്ച ക്ഷേത്രത്തിലേക്ക് കൊണ്ടുവരുന്നതിന് ഇടയിലായിരുന്നു സംഭവം.വിഷ്ണുവിന്റെ മൃതദേഹം നെയ്യാറ്റിന്‍കര ജനറല്‍ ആശുപത്രിയിലേക്ക് മാറ്റി. മാരായമുട്ടം പോലീസ് സംഭവസ്ഥലത്ത് എത്തിയിട്ടുണ്ട്.