പ്രകടന പത്രികയിലെ 570 വാഗ്ദാനങ്ങള്‍ പൂര്‍ത്തിയാക്കിയെന്ന് മുഖ്യമന്ത്രി പിണറായി വിജയന്‍

പ്രകടന പത്രികയിലെ 600 വാഗ്ദാനങ്ങളില്‍ 570 എണ്ണം പൂര്‍ത്തിയാക്കിയിട്ടുണ്ടെന്ന് മുഖ്യമന്ത്രി പിണറായി വിജയന്‍. പ്രതിസന്ധിയില്‍ തളര്‍ന്നില്ലെന്നും, പ്രകടനപത്രികയെ അത്രമേല്‍ പ്രാധാന്യത്തോടെ സര്‍ക്കാര്‍ കാണുന്നുവെന്നും മുഖ്യമന്ത്രി പറഞ്ഞു.സാമൂഹ്യ നീതിയിലധിഷ്ഠിതവും, സര്‍വ്വതല സ്പര്‍ശിയുമായ വികസനമാണ് സര്‍ക്കാരിന്റെ കാഴ്ചപ്പാട്.
നവോത്ഥാന ചിന്തകള്‍ക്കെതിരായ നീക്കം നാട്ടില്‍ നടന്നു. സാമൂഹ്യ സംഘടനകളില്‍ നിന്നടക്കം അഭിപ്രായ രൂപീകരണം നടത്തി കേരളത്തെ മുന്നോട്ട് നയിക്കുമെന്നും മുഖ്യമന്ത്രി വ്യക്തമാക്കി. സാമൂഹ്യ സംഘടന പ്രതിനിധികളുമായുള്ള യോഗത്തില്‍ സംസാരിക്കുകയായിരുന്നു മുഖ്യമന്ത്രി.