News Beyond Headlines
02 Friday
January
January
തൃശൂര്: ഭിന്നശേഷി ചികിത്സാ പുനരധിവാസ മേഖലയില് സ്തുത്യര്ഹമായ പ്രവര്ത്തനം നടത്തുന്ന ഇരിങ്ങാലക്കുടയ്ക്ക് സമീപം കല്ലേറ്റുംകരയില് സ്ഥിതി ചെയ്യുന്ന നാഷണല് ഇന്സ്റ്റിറ്റ്യൂട്ട് ഓഫ് ഫിസിക്കല് മെഡിസിന് ആന്ഡ് റീഹാബിലിറ്റേഷനെ (എന്ഐപിഎംആര്) ഫെബ്രുവരി 6-ന് മികവിന്റെ കേന്ദ്രമായി പ്രഖ്യാപിക്കും. എന്ഐപിഎംആര് ആസ്ഥാനത്ത് രാവിലെ 10.30-ന് നടക്കുന്ന ചടങ്ങില് ബഹു. മുഖ്യമന്ത്രി ശ്രീ. പിണറായി വിജയന് വീഡിയോ കോണ്ഫറന്സ് വഴി പ്രഖ്യാപനം നടത്തും. ആരോഗ്യ, സാമൂഹ്യനീതി വകുപ്പ് മന്ത്രി ശ്രീമതി കെ.കെ. ശൈലജ ടീച്ചര് ചടങ്ങില് അധ്യക്ഷത വഹിക്കും.
പുനരധിവാസ ചികിത്സ മേഖലയില് ഏറ്റവും പുതിയ സാങ്കേതികവിദ്യയും വൈദഗ്ധ്യവുമുള്ള സ്ഥാപനമാണ് സംസ്ഥാന സാമൂഹ്യനീതി വകുപ്പിന് കീഴിലുള്ള എന്ഐപിഎംആര്. അത്യാധുനിക സൗകര്യങ്ങളുള്ള സ്പൈനല് ഇന്ജുറി റീഹാബിലിറ്റേഷന് യൂണിറ്റ്, അക്വാട്ടിക് റീഹാബിലിറ്റേഷന് സെന്റര്, ആര്ട്ട് എബിലിറ്റി സെന്റര്, ഇയര്മോള്ഡ് ലാബ്, കോള് ആന്ഡ് കണക്ട്- ഇന്ഫര്മേഷന് ഗേറ്റ് വേ ഫോര് ഡിഫറന്റ്ലി ഏബിള്ഡ്, പ്രോസ്തെറ്റിക്സ് ആന്ഡ് ഓര്ത്തോടിക്സ് യൂണിറ്റ്, സെന്സറി പാര്ക്ക്, സെന്സറി ഗാര്ഡന്, വെര്ച്ച്വല് റീഹാബിലിറ്റേഷന് യൂണിറ്റ് തുടങ്ങിയ ആധുനിക സൗകര്യങ്ങളും പുതിയ തെറാപ്പി സംവിധാനങ്ങളും ഏര്പ്പെടുത്തികൊണ്ടാണ് ഭിന്നശേഷി പുനരധിവാസ മേഖലയിലെ മികവിന്റെ കേന്ദ്രമായി സ്ഥാപനം വളര്ന്നത്.
ഇന്സ്റ്റിറ്റ്യൂട്ടില് പുതിയതായി പണികഴിപ്പിച്ച അക്വാട്ടിക് റീഹാബിലിറ്റേഷന് സെന്റര്, സെന്റര് ഫോര് മൊബിലിറ്റി ആന്ഡ് അസിസ്റ്റിവ് ടെക്നോളജി (സി-മാറ്റ്) എന്നിവയുടെ ഉദ്ഘാടനം മന്ത്രി ശ്രീമതി കെ.കെ. ശൈലജയും സ്പൈനല് ഇന്ജ്യുറി റീഹാബിലിറ്റേഷന് യൂണിറ്റിന്റെ ഉദ്ഘാടനം ധനകാര്യ വകുപ്പ് മന്ത്രി ഡോ. ടി.എം. തോമസ് ഐസക്കും നിര്വഹിക്കും. ആര്ട്ട് എബിലിറ്റി സെന്ററിന്റെ ഉദ്ഘാടനം ശ്രീ. ടി.എന്. പ്രതാപന് എംപിയും അക്കാദമിക് പ്രോഗ്രാമുകളുടെ ഉദ്ഘാടനവും ഒക്യുപേഷണല് തെറാപ്പി കോളേജിന്റെ തറക്കല്ലിടലും ബഹു. ഇരിങ്ങാലക്കുട എംഎല്എ പ്രൊഫ. കെ. അരുണനും വൊക്കേഷണല് റീഹാബിലിറ്റേഷന് യൂണിറ്റിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ശ്രീ. പി.കെ. ഡേവിസ് മാസ്റ്ററും ഇയര്മോള്ഡ് ലാബിന്റെ ഉദ്ഘാടനം സാമൂഹ്യനീതി വകുപ്പ് ഡയറക്ടര് മിസ്. ഷീബ ജോര്ജ് ഐഎഎസ് -ഉം ഹെല്ത്ത് ഇന്ഫോനെറ്റ്- സെന്റ് സ്റ്റീഫന് കോളേജ്, ഉഴവൂര്, ഐസിയുഡിഎസ്- മഹാത്മാഗാന്ധി യൂണിവേഴ്സിറ്റി എന്നിവയുടെ സഹകരണത്തോടെ ആരംഭിക്കുന്ന കോള് ആന്ഡ് കണക്ട്- ഇന്ഫര്മേഷന് ഗേറ്റ് വേ ഫോര് ഡിഫറന്റ്ലി ഏബിള്ഡിന്റെ ഉദ്ഘാടനം തൃശൂര് ജില്ലാ കളക്ടര് ശ്രീ. എ. ഷാനവാസ് ഐഎഎസ്-ഉം നിര്വഹിക്കും.
പരിപാടിയോട് അനുബന്ധിച്ച് ഒക്യുപേഷണല് തെറാപ്പി കോഴ്സിന് ക്ലിനിക്കല് പരിശീലനം നല്കുന്നത് സംബന്ധിച്ച ധാരണപത്രം ഇരിങ്ങാലക്കുട കോ-ഓപ്പറേറ്റിവ് ഹോസ്പിറ്റല് പ്രസിഡന്റ് ശ്രീ. എം.പി. ജാക്സണ് കൈമാറും. ഭിന്നശേഷി സഹായ ഉപകരണ നിര്മാണ മത്സരത്തിലെ വിജയികള്ക്കുള്ള സമ്മാനദാനവും ചടങ്ങില് നിര്വഹിക്കും. സാമൂഹ്യനീതി വകുപ്പ് സെക്രട്ടറി ശ്രീ. ബിജു പ്രഭാകര് ഐഎഎസ്, ബ്ലോക്ക് പഞ്ചായത്ത് പ്രസിഡന്റ് ശ്രീമതി സന്ധ്യ നൈസന്, ആളൂര് ഗ്രാമ പഞ്ചായത്ത് പ്രസിഡന്റ് ശ്രീ. കെ.ആര്. ജോജോ തുടങ്ങി മറ്റ് ജനപ്രതിനിധികളും വിവിധ വകുപ്പ് ഉദ്യോഗസ്ഥരും ചടങ്ങില് സംബന്ധിക്കും.
എന്.കെ. മാത്യു ചാരിറ്റബിള് ട്രസ്റ്റ് നടത്തിയിരുന്ന ത്രേസ്യാമ്മ മെമ്മോറിയല് ഹോസ്പിറ്റല് സര്ക്കാര് ഏറ്റെടുത്ത് നാഷണല് ഇന്സ്റ്റിറ്റ്യൂട്ട് ഓഫ് ഫിസിക്കല് മെഡിസിന് ആന്ഡ് റീഹാബിലിറ്റേഷന് എന്ന് പുനര്നാമകരണം ചെയ്തതിന് ശേഷം അഭൂതപൂര്വമായ വികസനമാണ് സ്ഥാപനത്തില് ഉണ്ടായിരിക്കുന്നതെന്ന് എന്ഐപിഎംആര് എക്സിക്യുട്ടിവ് ഡയറക്ടര് ഡോ. ബി. മുഹമ്മദ് അഷീല് വാര്ത്താസമ്മേളനത്തില് പറഞ്ഞു. എന്ഐപിഎംആര് ജോയിന്റ് ഡയറക്ടര് ശ്രീ. സി. ചന്ദ്രബാബു, സോഷ്യല് സെക്യൂറിറ്റി മിഷന് റീജിയണല് ഡയറക്ടര് രാഹുല് യു.ആര്, ആളൂര് ഗ്രാമപഞ്ചായത്ത് പ്രസിഡന്റ് ശ്രീ. കെ.ആര്. ജോജോ എന്നിവര് വാര്ത്താസമ്മേളനത്തില് പങ്കെടുത്തു.
തിരുവനന്തപുരം ∙ മുഖ്യമന്ത്രി പിണറായി വിജയനുമായും സംസ്ഥാന സർക്കാരുമായും ഇടഞ്ഞുനിൽക്കുന്ന ഗവര്ണർ ആരിഫ് മുഹമ്മദ് ഖാനെ കടന്നാക്രമിച്ച് സിപിഎം സംസ്ഥാന more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം ടോപ് മോഡൽ ഫോണും…എന്നാൽ ധീരജിന് ഐഫോൺ more...
അനാവശ്യമായി ഹോണ് മുഴക്കിയാല് ഇനി പണി കിട്ടും.മുന്നറിയിപ്പുമായി കേരള പൊലീസ് രംഗത്തെത്തിരിക്കുകയാണ്. ഹോണ് നീട്ടിമുഴക്കിയില്ലെങ്കില് എന്തോ കുറവു പോലെയാണ് ചിലര്ക്കെന്നും more...
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. 1996 സെപ്റ്റംബർ 17നാണ് ആദ്യമായി കേരളത്തിൽ more...
തിരുപ്പതി വെങ്കടാചലപതി ക്ഷേത്രത്തിൽ ദർശനം നടത്തി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. ക്ഷേത്രത്തിലേക്ക് ഒന്നരക്കോടി രൂപയും സംഭാവന ചെയ്തു. more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം .....
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. .....
ദില്ലി: 70 വർഷത്തിന് ശേഷം ഇന്ത്യയിലേക്കെത്തി ചീറ്റപുലികൾ. ഇന്നലെ നമീബിയയില് നിന്നും പുറപ്പെട്ട .....
കോട്ടയം∙ കഴിഞ്ഞ ശനിയാഴ്ച മംഗളൂരു – തിരുവനന്തപുരം എക്സ്പ്രസിൽ(16348) സഞ്ചരിക്കവേ ട്രെയിനിനു നേരെയുണ്ടായ .....
ന്യൂഡൽഹി∙ എലിസബത്ത് രാജ്ഞിയുടെ സംസ്കാരചടങ്ങുകളിൽ രാഷ്ട്രപതി ദ്രൗപദി മുർമു പങ്കെടുക്കും. രാജ്ഞിയുടെ സംസ്കാരച്ചടങ്ങിൽ .....