ബിജെപി ഒപ്പം പിടിക്കുന്നു , പിടിമുറുക്കാൻ ഹൈക്കമാന്റ്

പാർട്ടിയുടെ ഇമേജ് വർദ്ധിപ്പിക്കുന്ന രീതിയിൽ നിഷ്പക്ഷരായ ആളുകളെ ക്കപ്പം കൂട്ടണമെന്ന് ഹൈക്കമാന്റ് തീരുമാനം പോലും നടപ്പിലാക്കാൻ കേരളത്തിലെ നേതാക്കൾ തയാറാകത്തതിനെ തുടർന്ന് കെ സി വേണുഗോപാലിലൂടെ തീരുമാനങ്ങൾ നടപ്പിലാക്കാൻ ഹൈക്കമാന്റ്.
ചെന്നിത്തലയുടെ ജാഥയിൽ രണ്ടാം നിരയിലെ സിനിമാക്കാരെ മാത്രം അണി നിരത്തി കോൺഗ്രസ് നടത്തിയ നീക്കത്തെ ആകെ ഇ ശ്രീധരന്റെ രംഗപ്രവേശനത്തിലൂടെ ബി ജെ പി തകർത്തു കളാഞ്ഞതാണ് ഹൈക്കമാന്റിനെ ചൊടിപ്പിച്ചത്.
ദേശീയ തലത്തിൽ രണ്ടു ദിവസമായി ശ്രീധരന്റെ പാർട്ടിയിലേക്കുള്ള രംഗപ്രവേശം ബി ജെ പി ആഘോഷിക്കുകയാണ്. ബി ജെ പി നീക്കം കേരളത്തിൽ കോൺഗ്രസിന് തിരിച്ചടി ആയി പന്നാണ് കേരള ചുമതലയുള്ള ഹൈക്കമാന്റ് പ്രതിനിധി താരീഖ് അനവറും നൽകിയ റിപ്പോർട്ട്.
കാപ്പന്റെ മുന്നണിമാറ്റവും, പി എസ് സി സമരവുമെല്ലാം ശ്രീധരൻ വരവിലൂടെ ബി ജെ പി അട്ടിമറിച്ചു എന്നാണ് വിലയിരുത്തൽ. പകരം കൊണ്ടുവന്ന അഴിമതി ആരോപണവും സാധാരണ ജനങ്ങൾക്കിടയിൽ ഏൽക്കില്ലന്നാണ് റിപ്പോർട്ട് ഇന്ന് രാവിലെ നൽകിയിരിക്കുന്നത്.

സ്ഥാനാർഥി നിർണയത്തിലുൾപ്പെടെ ഹൈക്കമാൻഡ് പിടിമുറുക്കിയതിനു പിന്നാലെ ആണിത്. വിജയസാധ്യതയുടെ പേരിൽ ഇഷ്ടക്കാരെ തിരുകിക്കയറ്റാൻ അനുവദിക്കില്ലെന്ന വാശിയിലാണു യുവ നേതാക്കൾ.

എ, ഐ ഗ്രൂപ്പുകൾക്കു വെല്ലുവിളിയായി, എ.ഐ.സി.സി. ജനറൽ സെക്രട്ടറി കെ.സി. വേണുഗോപാലിന്റെ നേതൃത്വത്തിലുള്ള യുവ ഗ്രൂപ്പും ശക്തമായി രംഗത്തുണ്ട്. സ്ഥാനാർഥി നിർണയത്തിൽ ഹൈക്കമാൻഡിനു പൂർണമായി വഴങ്ങാൻ ഗ്രൂപ്പ് നേതൃത്വങ്ങൾ തയാറല്ല. ഹൈക്കമാൻഡ് നിയോഗിച്ച ഏജൻസികൾ സർവേ നടത്തി സ്ഥാനാർഥികളെ കെട്ടിയിറക്കുന്നതു തിരിച്ചടിയാകുമെന്ന് ഇവരുടെ നിലപാട്.

കെ.സി. വേണുഗോപാലിന്റെ നേതൃത്വത്തിൽ സംസ്ഥാനത്തു നേരത്തേ ഒരു ഗ്രൂപ്പ് നിലവിലുണ്ടെങ്കിലും അദ്ദേഹം സംഘടനാചുമതലയുള്ള എ.ഐ.സി.സി ജനറൽ സെക്രട്ടറിയായതോടെ കൂടുതൽ ശക്തമായി.

ഒരു ഗ്രൂപ്പിലുമില്ലാത്ത നിഷ്പക്ഷരും പഴയ ഐ ഗ്രൂപ്പുകാരും വേണുഗോപാലിനൊപ്പമാണ്. ഇതെല്ലാം സ്ഥാനാർഥി നിർണയത്തിൽ പ്രതിഫലിക്കും. ദേശീയതലത്തിൽ ദുർബലമായ െഹെക്കമാൻഡ് കേരളത്തിൽ പിന്നോട്ടില്ലന്ന നിലപാടിലാണ്.