4 വരെ ശക്തമായ മഴ തുടരും; 12 ജില്ലകളില്‍ യെലോ അലര്‍ട്ട്

കേരളത്തില്‍ 4 വരെ ശക്തമായ മഴ തുടരുമെന്നു കാലാവസ്ഥാ വകുപ്പ് അറിയിച്ചു. ഇന്നും നാളെയും മൂന്നിനും കാസര്‍കോട്, കണ്ണൂര്‍ ഒഴികെ ജില്ലകളില്‍ ശക്തമായ മഴയ്ക്കു സാധ്യതയുള്ളതിനാല്‍ യെലോ അലര്‍ട്ട് പ്രഖ്യാപിച്ചു. മഴയ്‌ക്കൊപ്പം ശക്തമായ കാറ്റിനും ഇടിമിന്നലിനും സാധ്യതയുണ്ട്. നേരത്തേ പ്രഖ്യാപിച്ചിരുന്ന ഓറഞ്ച് അലര്‍ട്ട് പിന്‍വലിച്ചു. ബംഗാള്‍ ഉള്‍ക്കടലില്‍ ശ്രീലങ്കയ്ക്കു മുകളിലുള്ള ന്യൂനമര്‍ദം 2 ദിവസം കൂടി അവിടെ തുടര്‍ന്ന ശേഷം അറബിക്കടലിലേക്കു നീങ്ങുമെന്നാണു വിലയിരുത്തല്‍. കേരള തീരത്ത് 3 വരെയും ലക്ഷദ്വീപ് തീരത്ത് 4 വരെയും മീന്‍പിടിക്കാന്‍ പോകരുതെന്നു മുന്നറിയിപ്പുണ്ട്.