ബച്ചന്‍ കുടുംബ ചിത്രത്തോടൊപ്പം വീട്ടിലെ ചുമര്‍ ചിത്രവും വൈറലാകുന്നു; വില കേട്ട് ഞെട്ടി ആരാധകര്‍

ഏറെ ശ്രദ്ധിക്കപ്പെടുന്ന ഒരു താര കുടുംബമാണ് ബോളിവുഡ് താരം അമിതാഭ് ബച്ചന്റേത്. പലപ്പോഴും കുടുംബ ചിത്രങ്ങള്‍ താരം തന്നെ സോഷ്യല്‍ മീഡിയയില്‍ പങ്കുവെയ്ക്കാറുമുണ്ട്. ഇപ്പോഴിതാ കുടുംബസമേതം ദീപാവലി ആഘോഷിക്കുന്ന ചിത്രങ്ങളാണ് ആരാധകര്‍ ഏറ്റെടുത്തിരിക്കുന്നത്. ജയബച്ചന്‍, അഭിഷേക് ബച്ചന്‍, ഐശ്വര്യ റായി, ആരാധ്യ, അമിതാഭ് ബച്ചന്റെ മകള്‍ ശ്വേത ബച്ചന്‍, മക്കളായ അഗസ്ത്യ, നവ്യ നവേലി എന്നിവരാണ് ചിത്രത്തിലുണ്ടായിരുന്നത്. താരം ഇന്‍സ്റ്റാഗ്രാമില്‍ പങ്കുവെച്ച ചിത്രം വൈറാലായതോടെ ഫോട്ടോക്ക് പിന്നിലുള്ള ചുമര്‍ ചിത്രവും ഏറെ ശ്രദ്ധിക്കപ്പെട്ടു. വെളുത്ത കൂറ്റന്‍ കാളയുടെ ചിത്രമായിരുന്നു ചുമരിലുണ്ടായിരുന്നത്. പഞ്ചാബ് ചിത്രകാരന്‍ മഞ്ജിത് ബാവ വരച്ച പെയിന്റിംഗ് ആണിതെന്ന് റിപ്പോര്‍ട്ടുകള്‍ ഉണ്ട്. ചിത്രത്തിന്റെ വില നാലു കോടിയോളം വരുമെന്നാണ് പറയപ്പെടുന്നത്.