കൊവിഡ്; നിയമസഭാ തെരഞ്ഞെടുപ്പുകളുടെ ഭാഗമായ തെരഞ്ഞെടുപ്പ് റാലികള്‍ വിലക്കിയേക്കും

5 സംസ്ഥാനങ്ങളിലെ നിയമസഭാ തെരഞ്ഞെടുപ്പുകളുടെ ഭാഗമായ തിരഞ്ഞെടുപ്പ് റാലികള്‍ വിലക്കിയേക്കും. ഇക്കാര്യത്തില്‍ ഉടന്‍ പ്രഖ്യാപനം ഉണ്ടാകും എന്ന് കേന്ദ്ര തെരഞ്ഞെടുപ്പ് കമ്മീഷന്‍ വ്യത്തങ്ങള്‍ വ്യക്തമാക്കി. രാജ്യത്തെ കൊവിഡ് സാഹചര്യം മോശമാകുന്ന സാഹചര്യത്തിലാണ് നടപടി. ആരോഗ്യവകുപ്പിന്റെ നിലപാട് തേടിയ ശേഷമാകും അന്തിമ പ്രഖ്യാപനം. തെരഞ്ഞെടുപ്പ് റാലികള്‍ വെര്‍ച്വല്‍ ആയ് മാത്രം നടത്താന്‍ മാത്രം അനുമതി നല്കാനാണ് തെരഞ്ഞെടുപ്പ് കമ്മീഷന്റെ നീക്കം. തെരഞ്ഞെടുപ്പ് റാലികള്‍ അടക്കം നിരോധിയ്ക്കാത്ത തെരഞ്ഞെടുപ്പ് കമ്മീഷന്റെ നടപടിയ്ക്ക് എതിരെ സുപ്രിംകോടതിയും വിവിധ ഹൈക്കോടതികളും കേന്ദ്ര തെരഞ്ഞെടുപ്പ് കമ്മീഷനെ ബംഗാള്‍ നിയമ സഭാ തെരഞ്ഞെടുപ്പ് ഘട്ടത്തില്‍ രൂക്ഷമായി വിമര്‍ശിച്ചിരുന്നു.