മന്ത്രി സഭായോഗം ഇന്ന്; നിയന്ത്രണങ്ങള്‍ ചര്‍ച്ചയ്ക്ക്

സംസ്ഥാനത്തെ കൊവിഡ് സാഹചര്യങ്ങള്‍ ഇന്ന് ചേരുന്ന മന്ത്രി സഭായോഗം വിലയിരുത്തും. നിയന്ത്രണങ്ങളില്‍ മാറ്റം വരുത്തണമോയെന്ന കാര്യത്തില്‍ ചര്‍ച്ച നടത്തും. ബജറ്റ് സമ്മേളന തീയതിയില്‍ യോഗം തീരുമാനം എടുത്തേക്കും. തിയറ്ററുകള്‍ അടച്ചിടുന്നതിനെതിരെ ഉടമകള്‍ നല്‍കിയ ഹര്‍ജി വീണ്ടും ഹൈക്കോടതിയുടെ പരിഗണയിലാണ്. എന്നാല്‍ തിയറ്ററുകള്‍ തുറക്കുന്നത് പ്രായോഗികമല്ലെന്ന നിലപാടിലാണ് സംസ്ഥാന സര്‍ക്കാര്‍. സംസ്ഥാനത്ത് കൊവിഡ് മൂന്നാം തരംഗത്തിന്റെ വ്യാപനത്തോത് കുറയുന്നുവെന്ന് ആരോഗ്യമന്ത്രി വീണ ജോര്‍ജ് പറഞ്ഞിരുന്നു. ഈ ആഴ്ച വ്യാപനത്തോത് പതിനാറ് ശതമാനായി കുറഞ്ഞെന്ന് മന്ത്രി വ്യക്തമാക്കി . വിദേശത്ത് നിന്ന് ഏഴ് ദിവസത്തില്‍ താഴെ വരുന്നവര്‍ക്ക് ക്വാറന്റീന്‍ വേണ്ട. ഹ്രസ്വ കാലത്തേക്ക് വരുന്നവര്‍ കേന്ദ്ര മാര്‍ഗ നിര്‍ദേശ പ്രകാരം പരിശോധന നടത്തണം. ആരോഗ്യ പ്രവര്‍ത്തകര്‍ എന്‍ 95 മാസ്‌ക്,പി പി ഇ കിറ്റ് തുടങ്ങിയവ ഉറപ്പാക്കണെമന്നും മന്ത്രി നിര്‍ദേശിച്ചു.പാലിയേറ്റിവ് കെയര്‍ പരിചരണം ഉറപ്പാക്കുന്നതിന് മാര്‍ഗനിര്‍ദേശം പുറപ്പെടുവിച്ചെന്നും മന്ത്രി കൂട്ടിച്ചേര്‍ത്തു. അതേസമയം കഴിഞ്ഞ ദിവസം കേരളത്തില്‍ 51,887 പേര്‍ക്കാണ് കൊവിഡ് സ്ഥിരീകരിച്ചു എറണാകുളം 9331, തൃശൂര്‍ 7306, തിരുവനന്തപുരം 6121, കോഴിക്കോട് 4234, കൊല്ലം 3999, കോട്ടയം 3601, പാലക്കാട് 3049, ആലപ്പുഴ 2967, മലപ്പുറം 2838, പത്തനംതിട്ട 2678, ഇടുക്കി 2130, കണ്ണൂര്‍ 2081, വയനാട് 1000, കാസര്‍ഗോഡ് 552 എന്നിങ്ങനേയാണ് ജില്ലകളില്‍ രോഗ ബാധ സ്ഥിരീകരിച്ചത്.