ഉത്തര്‍ പ്രദേശ് തെരഞ്ഞെടുപ്പ് : ഏറ്റവും ധനികനായ സ്ഥാനാര്‍ത്ഥിയുടെ ആസ്ഥി 148 കോടി; രണ്ട് സ്ഥാനാര്‍ത്ഥികള്‍ക്ക് സമ്പാദ്യമില്ല

ഉത്തര്‍ പ്രദേശിലെ സ്ഥാനാര്‍ത്ഥികളുടെ സ്വത്ത് വിവരങ്ങള്‍ പുറത്ത്. സ്ഥാനാര്‍ത്ഥികളില്‍ ഏറ്റവും ധനികന്‍ മഥുര കന്റോണ്‍മെന്റില്‍ നിന്നുള്ള ബിജെപി സ്ഥാനാര്‍ത്ഥി അമതി അഗര്‍വാളാണ്. രണ്ടാം സ്ഥാനത്ത് മഥുരയില്‍ നിന്ന് തന്നെയുള്ള ബിഎസ്പി സ്ഥാനാര്‍ത്ഥി എസ്‌കെ ശര്മയാണ്. മൂന്നാം സ്ഥാനാത്ത് സാമാജ്വാദി പാര്‍ട്ടിയുടെ രാഹുല്‍ യാദവാണ്. 148 കോടി രൂപയാണ് അമിത് അഗര്‍വാളിന്റെ ആസ്ഥി. എസ്‌കെ ശര്‍മയ്ക്കും 112 കോടി രൂപയുടേയും രാഹുല്‍ യാദവിന് നൂറ് കോടി രൂപയുടേയും ആസ്ഥിയുണ്ട്. രണ്ട് സ്ഥാനാര്‍ത്ഥികള്‍ക്ക് സ്വത്തുക്കള്‍ ഇല്ല. ബഹുജന്‍ മുക്തി പാര്‍ട്ടിയുടെ കൈലാഷ് കുമാറാണ് സ്വത്തുക്കള്‍ ഇല്ലെന്ന് സത്യവാങ്മൂലം നല്‍കിയ സ്ഥാനാര്‍ത്ഥികളില്‍ ഒരാള്‍. അലിഗഡിലെ അത്രൗലിയില്‍ നിന്ന് മത്സരിക്കുന്ന സ്ഥാനാര്‍ത്ഥിയാണ് കൈലാഷ് കുമാര്‍. മുസാഫര്‍ നഗറിലെ മീരാപൂരില്‍ നിന്ന് മത്സരിക്കുന്ന കെ.എം പ്രീതിയാണ് ( രാഷ്ട്ര നിര്‍മാണ്‍ പാര്‍ട്ടി ) സ്വത്തുക്കള്‍ ഇല്ലെന്ന് സത്യവാങ്മൂലം നല്‍കിയ മറ്റൊരു സ്ഥാനാര്‍ത്ഥി. സ്ഥാനാര്‍ത്ഥികളില്‍ ഏറ്റവും കുറവ് സമ്പാദ്യം സ്വതന്ത്രനായി മത്സരിക്കുന്ന ശിവ് ചരണ്‍ ലാലിനാണ്. ആയിരം രൂപ മാത്രമാണ് സമ്പാദ്യമായി ഉള്ളത്. ഖെരേഗര്‍ സീറ്റില്‍ നിന്ന് മത്സരിക്കുന്ന മറ്റൊരു സ്വതന്ത്രന്‍ അംബേദ്കരി ഹസനുറാമിന് 1,100 രൂപ മാത്രമാണ് കൈയില്‍ സമ്പാദ്യമായി ഉള്ളത്. ഭാരതിയ മജ്ദൂര്‍ ജനതാ പാര്‍ട്ടിയുടെ ടിക്കറ്റില്‍ നിന്ന് മത്സരിക്കുന്ന നീലിന് 10,000 രൂപയാണ് സമ്പാദ്യമായി ഉള്ളത്. ഇവര്‍ മൂന്ന് പേരുമാണ് ഏറ്റവും കുറവ് സമ്പാദ്യമുള്ള സ്ഥാനാര്‍ത്ഥികള്‍. 28 എസ്പി സ്ഥാനാര്‍ത്ഥികള്‍ക്ക് കൂടി 13.23 കോടി രൂപയാണ് ശരാശരി ആസ്ഥി. 57 ബിജെപി സ്ഥാനാര്‍ത്ഥികള്‍ക്കും കൂടി 12.01 കോടി രൂപയാണ് ശരാശരി ആസ്ഥി. 29 ആര്‍എല്‍ഡി സ്ഥാനാര്‍ത്ഥികള്‍ക്കായി 8.32 കോടി രൂപയും, 56 ബിഎസ്പി സ്ഥാനാര്‍ത്ഥികള്‍ക്കായി 7.71 കോടി രൂപയും, 58 കോണ്‍ഗ്രസ് സ്ഥാനാര്‍ത്ഥികള്‍ക്ക് ശരാശരി 3.08 കോടി രൂപയുമാണ് സമ്പാദ്യം. സമാജ്വാദി പാര്‍ട്ടി നേതാവ് അഖിലേഷ് യാദവിന്റെ ആസ്ഥി 17.22 കോടി രൂപയാണ്.