സമസ്തയുടെ നിലപാട് സ്വാഗതാര്‍ഹം; മുസ്ലിം ലീഗുമായി കൂട്ടുകെട്ടിനിലെന്ന് സിപിഐഎം

മുസ്ലിം ലീഗുമായി കൂട്ടുകെട്ടിനിലെന്ന് സിപിഐഎം. സമസ്തയുടെ നിലപാട് സ്വാഗതാര്‍ഹമെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ അറിയിച്ചു. സമസ്തയിലെ രണ്ട് വിഭാഗങ്ങളുമായി സഹകരിക്കും. ഇരു വിഭാഗങ്ങളുടെയും നിലപാട് ക്രിയാത്മകം. ഐ എന്‍ എല്‍ നിലപാട് എല്‍ഡിഎഫിന്റെ യശസിന് കോട്ടം തട്ടുന്നതാണെങ്കില്‍ ഇടപെടും. സമസ്തയുടെ നിലപാട് സ്വാഗതാര്‍ഹം, എന്നാല്‍ ലീഗിനോടുള്ള സമീപനം ഇപ്പോള്‍ ചര്‍ച്ചയിലില്ല. യുക്രൈനില്‍ കുടുങ്ങിയ വിദ്യാര്‍ത്ഥികളെ ഉടന്‍ നാട്ടിലെത്തിക്കാന്‍ നടപടി വേണമെന്ന് സിപിഐഎം പ്രമേയം അവതരിപ്പിച്ചതായും കോടിയേരി ബാലകൃഷ്ണന്‍ മാധ്യമങ്ങളോട് പറഞ്ഞു. കുറ്റ്യാടി, പൊന്നാനി എന്നിവിടങ്ങളിലെ പ്രാദേശിക പ്രശ്‌നം മാത്രമാണ്. ജമാ അത്ത ഇസ്ലാമി കലാപം സൃഷ്ടിക്കാന്‍ ശ്രമിക്കുന്നു. വര്‍ഗ്ഗീയ ധ്രുവീകരണം ലക്ഷ്യം വച്ച് പ്രവര്‍ത്തിക്കുകയാണെന്നും കോടിയേരി ബാലകൃഷ്ണന്‍ പറഞ്ഞു. യുഡിഎഫിലെ ഭിന്നിപ്പ് പരമാവധി ഉപയോഗപ്പെടുത്തണമെന്ന് പാര്‍ട്ടി തീരുമാനിച്ചിട്ടുണ്ട്. ലോക്‌സഭാ തെരഞ്ഞെടുപ്പ് ലക്ഷ്യം വച്ച് പ്രവര്‍ത്തനം തുടങ്ങാനും തീരുമാനമായി. പാര്‍ട്ടിയിലെ വിഭാഗീയത പൂര്‍ണമായി അവസാനിച്ചു. ജി.സുധാകരന് ഏത് കാര്യവും പാര്‍ട്ടിയില്‍ അറിയിക്കാം. മുന്‍ സമ്മേളനത്തെ അപേക്ഷിച്ച് പാര്‍ട്ടി അംഗസംഖ്യ കാര്യമായി ഉയര്‍ന്നു. വനിത അംഗങ്ങളുടെ എണ്ണത്തിലും വര്‍ദ്ധനവുണ്ടായി. മറ്റ് പാര്‍ട്ടികളില്‍ നിന്നുളളവരെ പരമാവധി സിപിഐഎമ്മിനൊപ്പം അണിനിരത്തണമെന്ന് സമ്മേളന റിപ്പോര്‍ട്ട് പറയുന്നു.