കൊവിഷീല്‍ഡ് വാക്സിന്‍ ഇടവേള കുറച്ചു

കൊവിഷീല്‍ഡ് വാക്സിന്‍ ഇടവേള കുറച്ചു. മുന്‍ 12-16 ആഴ്ച വരെയായിരുന്ന വാക്സിന്‍ ഇടവേള 8-16 ആഴ്ചയാക്കി ചുരുക്കിയിരിക്കുകയാണ് നാഷണല്‍ ടെക്നിക്കല്‍ അഡൈ്വസറി ഗ്രൂപ്പ് ഓഫ് ഇമ്യുണൈസേഷന്‍ പുതുതായി പുറത്ത് വന്ന ആഗോളതലത്തിലുള്ള ഗവേഷണങ്ങളുടേയും പഠനങ്ങളുടേയും അടിസ്ഥാനത്തിലാണ് പുതിയ തീരുമാനം. പുതിയ നടപടി കൊവിഡ് വാക്സിനേഷന്‍ വേഗത്തിലാക്കും. ഇനിയും 6-7 കോടി ജനങ്ങള്‍ക്കാണ് വാക്സിന്‍ നല്‍കാന്‍ ഉള്ളത്. അന്താരാഷ്ട്ര തലത്തില്‍ കൊവിഡ് കേസുകള്‍ ഉയര്‍ന്ന സാഹചര്യത്തിലും, നാലാം തരംഗം ജൂലൈയിലെത്തുമെന്ന മുന്നറിയിപ്പിന്റെ പശ്ചാത്തലത്തിലും വാക്സിനേഷന്‍ വേഗത്തിലാക്കാന്‍ തന്നെയാണ് ആരോഗ്യവകുപ്പും ലക്ഷമിടുന്നത്. അതേസമയം, കൊവാക്സിന്റെ ഇടവേളയില്‍ എന്നാല്‍ മാറ്റങ്ങളൊന്നുമില്ല. നേരത്തെയുള്ള 28 ദിവസം തന്നെയാണ് രണ്ട് ഡോസ് വാക്സിനുകള്‍ക്കിടയിലും വേണ്ട ഇടവേള.