പ്രതിഷേധം നാടിന്റെയല്ല; വിചിത്രസഖ്യം വ്യാജപ്രചാരണം നടത്തുന്നു: മുഖ്യമന്ത്രി

കേരളത്തില്‍ വികസന വിരുദ്ധ വിദ്രോഹ സഖ്യമുണ്ടെന്ന് മുഖ്യമന്ത്രി പിണറായി വിജയന്‍. സില്‍വര്‍ലൈന്‍ പദ്ധതിക്കെതിരെ സംസ്ഥാനത്ത് വിചിത്രസഖ്യം വ്യാജ പ്രചാരണം നടത്തുന്നു. പ്രതിപക്ഷത്തെ നയിക്കുന്നത് സംസ്ഥാനത്ത് ഒരു വികസനവും നടക്കാന്‍ പാടില്ലെന്ന ചിന്തയാണ്. വികസന വിരുദ്ധ വിദ്രോഹ സഖ്യത്തെ തുറന്നുകാട്ടും. തുടര്‍ഭരണം ലഭിക്കാനിടയായ സാഹചര്യം ആവര്‍ത്തിക്കാതിരിക്കാനാണ് പ്രതിപക്ഷം ശ്രമിക്കുന്നത്. ആളുകളെ പ്രത്യേകമായി ചട്ടം കെട്ടി തെറ്റായ കാര്യങ്ങള്‍ പ്രചരിപ്പിക്കുന്നു. സില്‍വര്‍ലൈന്‍ സമരം നാടിന്റെ പ്രതിഷേധമായി കാണേണ്ട. തീവ്രവാദ സ്വഭാവമുള്ളവരടക്കം സമരത്തില്‍ കാണും. സമരങ്ങള്‍ക്ക് അമിത പ്രാധാന്യം നല്‍കുന്നതില്‍നിന്ന് മാധ്യമങ്ങള്‍ പിന്മാറണം. സില്‍വര്‍ലൈന്‍ ബഫര്‍ സോണിന് നഷ്ടപരിഹാരമില്ല. ഏറ്റെടുക്കുന്ന ഭൂമിക്ക് മാത്രമേ നഷ്ടപരിഹാരം നല്‍കൂ. ബഫര്‍ സോണിന്റെ ദൈര്‍ഘ്യത്തെക്കുറിച്ച് കെ-റെയില്‍ എംഡി പറഞ്ഞതാണ് ശരി. കല്ലിടല്‍ കഴിഞ്ഞുമാത്രമാണ് ഭൂമി ഏറ്റെടുക്കല്‍. ഭൂമിക്കും സ്വത്തിനും അധികവില നല്‍കുമെന്നും മുഖ്യമന്ത്രി പറഞ്ഞു.