മധുരയില്‍ വിദ്യാര്‍ഥികളുമായി അധ്യാപികയുടെ ഗ്രൂപ്പ് സെക്‌സ്; വിഡിയോ പങ്കുവച്ചവരും കുടുങ്ങും

പ്രായപൂര്‍ത്തിയാകാത്ത ആണ്‍കുട്ടികളെ വീട്ടില്‍ വിളിച്ചുവരുത്തി അധ്യാപിക ഗ്രൂപ്പ് സെക്‌സ് നടത്തിയ സംഭവത്തില്‍ അന്വേഷണം സജീവമാക്കി സൈബര്‍ സെല്‍. തമിഴ്‌നാട്ടിലെ മധുരയില്‍ നടന്ന സംഭവം രാജ്യമെങ്ങും ഇപ്പോള്‍ വലിയ ചര്‍ച്ചയാണ്. മൂന്ന് കുട്ടികളെ ഉപയോഗിച്ച് അധ്യാപികയും കാമുകനും ചിത്രീകരിച്ച വിഡിയോ പോണ്‍ സൈറ്റുകള്‍ക്കു വില്‍ക്കാനാണോ എന്നും അന്വേഷിക്കുന്നുണ്ട്. മൂന്ന് വിദ്യാര്‍ഥികളും അധ്യാപികയും തമ്മിലുള്ള അശ്ലീല വിഡിയോ അധ്യാപികയുടെ കാമുകനാണ് പ്രചരിപ്പിച്ചത്. വിഡിയോ വൈറലായതോടെയാണ് സംഭവം പുറത്ത് അറിയുന്നത്. കേസില്‍ 42 വയസുള്ള അധ്യാപികയെയും ഇവരുടെ മുപ്പത്തൊന്‍പതുകാരനായ കാമുകനെയും പൊലീസ് ഞായറാഴ്ച അറസ്റ്റ് ചെയ്തിരുന്നു. മധുരയിലെ സര്‍ക്കാര്‍ സ്‌കൂളില്‍ അധ്യാപികയാണ് ആരോപണവിധേയായ സ്ത്രീ. 2010ല്‍ വിവാഹമോചിതയായ ഇവര്‍ അതിനുശേഷം ഒരു വ്യവസായിയുമായി പ്രണയത്തിലായി. നിലവില്‍ ഇരുവരും ഒരുമിച്ചാണ് താമസമെന്നാണ് പൊലീസ് നല്‍കുന്ന വിവരം. ഇവര്‍ വാടകയ്ക്കു താമസിക്കുന്ന വീട്ടിലേക്ക് വിദ്യാര്‍ഥികളെ കൊണ്ടുവന്നാണ് അധ്യാപിക ഗ്രൂപ്പ് സെക്‌സ് നടത്തിയത്. ഗ്രൂപ്പ് സെക്സ് വീഡിയോ രാജ്യാന്തര പോണ്‍ വെബ്സൈറ്റുകളില്‍ അപ്ലോഡ് ചെയ്തിട്ടുണ്ടോ എന്നും സൈബര്‍ സെല്‍ അന്വേഷിക്കുന്നുണ്ട്. 16 വയസുള്ള മൂന്ന് വിദ്യാര്‍ഥികളെയാണ് അധ്യാപികയും കാമുകനും ചേര്‍ന്ന് ദൃശ്യങ്ങള്‍ പകര്‍ത്താന്‍ ഇരയാക്കിയത്. വിഡിയോ ചിത്രീകരിക്കുന്ന വിവരം കുട്ടികള്‍ അറിഞ്ഞിരുന്നില്ല. കാമുകന്റെ സഹായത്തോടെയാണ് ഇവര്‍ വിഡിയോ ചിത്രീകരിച്ചതെന്നും റിപ്പോര്‍ട്ടില്‍ പറയുന്നു. വിഡിയോ സമൂഹമാധ്യമങ്ങളില്‍ ഉള്‍പ്പെടെ പങ്കുവച്ച എല്ലാവരെയും കണ്ടെത്താന്‍ ഡിജിപിയുടെ കര്‍ശന നിര്‍ദ്ദേശമുണ്ടെന്ന് കേസ് അന്വേഷിക്കുന്ന മധുര സൈബര്‍ സെല്ലിലെ മുതിര്‍ന്ന ഉദ്യോഗസ്ഥന്‍ അറിയിച്ചു. ചില സുഹൃത്തുക്കളുമായി വിഡിയോ പങ്കുവച്ചെന്ന് അധ്യാപികയും കാമുകനും പൊലീസിനോടു വെളിപ്പെടുത്തിയിട്ടുണ്ട്. ഇവരെ ചോദ്യം ചെയ്തു വരികയാണ്. കേസില്‍ അറസ്റ്റിലായ അധ്യാപികയ്ക്കും കാമുകനുമെതിരെ പോക്‌സോ നിയമപ്രകാരമാണ് കേസ് റജിസ്റ്റര്‍ ചെയ്തിരിക്കുന്നത്. വിഡിയോ പ്രചരിപ്പിച്ചവരെയും കസ്റ്റഡിയിലെടുക്കുമെന്നും ആവശ്യമെങ്കില്‍ അറസ്റ്റ് രേഖപ്പെടുത്തുമെന്നും പൊലീസ് വ്യക്തമാക്കി.