ആര്‍.എസ്.എസിന്റെയും എസ്.ഡി.പി.ഐയുടെയും വര്‍ഗീയ പ്രചാരണങ്ങളെ ചെറുക്കുമെന്ന് എല്‍.ഡി.എഫ്

എല്‍.ഡി.എഫിന്റെ താഴേത്തട്ടിലുള്ള കമ്മിറ്റികള്‍ യോ?ഗം ചേര്‍ന്ന് ജനങ്ങളെ അണിനിരത്തി ആര്‍.എസ്.എസിന്റെയും എസ്.ഡി.പി.ഐയുടെയും വര്‍?ഗീയ പ്രചാരണങ്ങളെ ചെറുക്കാനാണ് തീരുമാനിച്ചിരിക്കുന്നതെന്ന് സി.പി.ഐ നേതാവും എല്‍.ഡി.എഫ് കണ്‍വീനറുമായ വി. ചാമുണ്ണി പറഞ്ഞു. എല്‍.ഡി.എഫ് യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. എസ്ഡിപിഐ പ്രവര്‍ത്തകന്റെയും ആര്‍എസ്എസ് പ്രവര്‍ത്തകന്റെയും തുടര്‍ കൊലപാതകങ്ങളുടെ പശ്ചാത്തലത്തിലാണ് എല്‍.ഡി.എഫ് യോഗം ചേര്‍ന്നത്. മാധ്യമങ്ങള്‍ തെറ്റായ വാര്‍ത്തകളും പ്രചാരണങ്ങളും നല്‍കാതെ വര്‍?ഗീയ ശക്തികള്‍ക്കെതിരായ പോരാട്ടത്തില്‍ സഹകരിക്കണം. ഉത്തരേന്ത്യയില്‍ നടക്കുന്ന സംഭവങ്ങള്‍ കേരളത്തിലും സൃഷ്ടിക്കാനാണ് വര്‍?ഗീയ ശക്തികളുടെ ശ്രമം. കേരളത്തില്‍ ക്രമസമാധാനനില തകര്‍ന്നുവെന്ന പ്രചാരണം നടത്തി കേന്ദ്ര ആഭ്യന്തര മന്ത്രിയുടെ ഇടപെടല്‍ ക്ഷണിക്കുകയാണ് ബി.ജെ.പിയുടെ ലക്ഷ്യമെന്നും അദ്ദേഹം പറഞ്ഞു. കൊലപാതകങ്ങളുടെ പശ്ചാത്തലത്തില്‍ പാലക്കാട് ജില്ലയില്‍ ഈ മാസം 20 വരെ നിരോധനാജ്ഞ പ്രഖ്യാപിച്ചിരിക്കുകയാണ്. പാലക്കാട്ടെ ആര്‍എസ്എസ് പ്രവര്‍ത്തകന്റെ കൊലപാതകത്തില്‍ സിസിടിവി ദൃശ്യങ്ങള്‍ പുറത്തുവന്നിരുന്നു. അക്രമി സംഘം മൂന്ന് വാഹനങ്ങളിലായി ശ്രീനിവാസന്‍ നിന്ന കടയ്ക്കുള്ളിലേക്ക് വരുന്നതും, കൃത്യംനടത്തിയ ശേഷം മടങ്ങിപ്പോകുന്നതും ദൃശ്യത്തില്‍ വ്യക്തമാണ്. പാലക്കാട് എലപ്പുള്ളിയില്‍ എസ്ഡിപിഐ പ്രവര്‍ത്തകന്‍ കൊല്ലപ്പെട്ട് 24 മണിക്കൂര്‍ തികയും മുന്‍പാണ് നാടിനെ നടുക്കി വീണ്ടും അരുംകൊല നടന്നത്. മൂന്ന് ഇരുചക്രവാഹനങ്ങളിലായി എത്തിയ സംഘം ശ്രീനിവാസനെ കടയില്‍ കയറി വെട്ടുകയായിരുന്നു. സംഭവത്തിന് പിന്നില്‍ എസ്ഡിപിഐയാണെന്നാണ് ബിജെപിയുടെ ആരോപണം. രണ്ട് ബൈക്കുകളിലും ഒരു സ്‌കൂട്ടറിലുമായി എത്തിയ അക്രമിസംഘം, ശ്രീനിവാസന്റെ എസ്‌കെഎസ് ഓട്ടോഴ്സ് എന്ന കടയില്‍ കയറി ആക്രമിക്കുകയായിരുന്നു. ഗുരുതര പരിക്കുകളോടെ പ്രദേശവാസികളാണ്ശ്രീനിവാസനെ പാലക്കാട്ടെ സ്വകാര്യ ആശുപത്രിയിലെത്തിച്ചത്. നേരെ ഐസിയുവില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. കഴിഞ്ഞദിവസമാണ് ജില്ലയില്‍ എസ്ഡിപിഐ പ്രവര്‍ത്തന്‍ സുബൈറിനെ കൊലപ്പെടുത്തിയത്. പാലക്കാട് കസബ പൊലീസ് സ്റ്റേഷന്‍ പരിധിയില്‍ തന്നെയായിരുന്നു അക്രമം.