പി. ചിദംബരത്തിന്റെയും മകന്റെയും വീടുകളിലും ഓഫിസുകളിലും സിബിഐ റെയ്ഡ്

മുതിര്‍ന്ന കോണ്‍ഗ്രസ് നേതാവ് പി. ചിദംബരത്തിന്റെയും മകന്‍ കാര്‍ത്തി ചിദംബരത്തിന്റെയും വിവിധയിടങ്ങളിലെ വീടുകളിലും ഓഫിസുകളിലും സിബിഐ റെയ്ഡ്. ഡല്‍ഹി, മുംബൈ ചെന്നൈ, തമിഴ്നാട്ടിലെ ശിവഗംഗ തുടങ്ങി ഏഴിടങ്ങളിലാണ് റെയ്ഡ്. 2010- 2014 കാലയളലിലെ ഇടപാടുകളുടെ പേരിലാണ് നടപടി. വിദേശനാണ്യ വിനിമയ ചട്ടത്തിന്റെ ലംഘനത്തിനു സിബിഐ കാര്‍ത്തി ചിദംബരത്തിനെതിരെ പുതിയ കേസ് റജിസ്റ്റര്‍ ചെയ്തിട്ടുണ്ട്. പി. ചിദംബരം ധനമന്ത്രിയായിരിക്കെ 305 കോടി രൂപയുടെ വിദേശ ഫണ്ട് സ്വീകരിച്ചതടക്കം നിരവധി കേസുകളില്‍ കാര്‍ത്തി ചിദംബരത്തിനെതിരെ നിലവില്‍ അന്വേഷണം നടക്കുന്നുണ്ട്.