12 വര്‍ഷം മുമ്പ് കാണാതായ പിതാവ് തിരിച്ചെത്തി മകളെ പീഡിപ്പിച്ചു

യുപിലെ കണ്ണൗജില്‍ പ്രായപൂര്‍ത്തിയാകാത്ത മകളെ പീഡിപ്പിച്ച പിതാവ് അറസ്റ്റില്‍. 12 വര്‍ഷം മുമ്പ് വീട് വിട്ടുപോയ പിതാവ് തിരിച്ചെത്തി മകളെ പീഡിപ്പിക്കുകയായിരുന്നു. 14 വയസുകാരിയുടെ മുത്തച്ഛന്‍ നല്‍കിയ പരാതില്‍ കോട്വാലി പൊലീസാണ് പ്രതിയെ അറസ്റ്റ് ചെയ്തത്. ഗുര്‍സഹൈഗഞ്ച് പ്രദേശത്തിന് കീഴിലുള്ള ജലാലാബാദ് ടൗണിണ് സമീപം തിങ്കളാഴ്ച രാത്രിയോടെയാണ് സംഭവം. അമ്മായിയുടെ കൂടെ ഉറങ്ങുകയായിരുന്ന മകളെ ബലമായി മുറിയിലേക്ക് കൊണ്ടുപോയി കട്ടിലില്‍ കെട്ടിയിട്ട് പീഡിപ്പിക്കുകയായിരുന്നു. കുട്ടിയുടെ കരച്ചില്‍ കേട്ട പ്രതിയുടെ സഹോദരി ഓടിയെത്തി പിതാവിനെ അറിയിച്ചു. പിന്നീട് മുത്തച്ഛനാണ് പൊലീസിനെ വിളിച്ചുവരുത്തിയത്. പൊലീസെത്തി കുട്ടിയെ വൈദ്യ പരിശോധനയ്ക്കായി ജില്ലാ ആശുപത്രിയിലേക്ക് മാറ്റി. പരിശോധനയില്‍ കുട്ടി പീഡിപ്പിക്കപ്പെട്ടതായി കണ്ടെത്തി. പ്രതിയുടെ ഭാര്യ 12 വര്‍ഷം മുമ്പ് മരിച്ചു. പിന്നീട് വീട്ടില്‍ നിന്ന് കാണാതായ ഇയാള്‍ അഞ്ച് ദിവസം മുമ്പാണ് തിരിച്ചെത്തിയത്. പ്രതി വീടുവിട്ടിറങ്ങുമ്പോള്‍ പെണ്‍കുട്ടിക്ക് രണ്ട് വയസ്സ് മാത്രമേ ഉണ്ടായിരുന്നുള്ളൂ.