നടി ആക്രമിക്കപ്പെട്ട ദൃശ്യങ്ങള്‍ മെഡിക്കല്‍ വിദ്യാര്‍ത്ഥികളെ കാണിച്ചുവെന്ന പ്രചരണത്തില്‍ അന്വേഷണം ആരംഭിച്ചു

നടി ആക്രമിക്കപ്പെട്ട ദൃശ്യങ്ങള്‍ മെഡിക്കല്‍ വിദ്യാര്‍ത്ഥികളെ കാണിച്ചുവെന്ന പ്രചരണത്തില്‍ പോലീസ് അന്വേഷണം ആരംഭിച്ചു. പള്‍സര്‍ സുനി നടിയെ ക്രൂരമായി ആക്രമിക്കുന്ന ദൃശ്യങ്ങള്‍ മെഡിക്കല്‍ വിദ്യാര്‍ത്ഥികളെ പഠനത്തിന്റെ ഭാഗമായി കാണിച്ചുവെന്നാണ് ആരോപണം. എന്നാല്‍ ഇത് തെറ്റാണെന്നും അന്വേഷണം അട്ടിമറിക്കാനുള്ള ആരോപണമാണെന്നും പോലീസ്. ഇത്തരത്തില്‍ പ്രചരണം നടത്തിയവര്‍ക്കായി അന്വേഷണം ആരംഭിച്ചെന്നും അന്വേഷണ സംഘം പറഞ്ഞു.

ദൃശ്യങ്ങള്‍ പ്രചരിപ്പിച്ചുവെന്ന് പറയുന്ന മെഡിക്കല്‍ കോളേജ് ഫൊറന്‍സിക് വിഭാഗം മേധാവി, അധ്യാപകര്‍, വിദ്യാര്‍ത്ഥികള്‍ എന്നിവരുടെ മൊഴി പോലീസ് രേഖപ്പെടുത്തി. പ്രചരണം വസ്തുതപരമല്ലെന്ന് ബോധ്യപ്പെട്ടതിനാലാണ് അന്വേഷണം നടത്താന്‍ തീരുമാനിച്ചത്.