“മിസ്റ്റര്‍ ഡിജിപി താങ്കള്‍ ദിലീപിന്റെ സിനിമകള്‍ ഒന്നും കണ്ടിട്ടില്ലെ..” ; ബഹ്‌റയെ വട്ടംകറക്കിയ യുവാവ് പിടിയില്‍ !

ദിലീപ് അറസ്‌റ്റിലായതിന് പിന്നാലെ സംസ്ഥാന പൊലീസ് മേധാവി ലോക്‍നാഥ് ബെഹ്‌റയെ നി​ര​ന്ത​രം ഫോ​ണി​ൽ വിളിച്ചു ശല്യം ചെയ്‌ത യുവാവ് പിടിയില്‍. ചെ​ങ്ങ​മ​നാ​ട് ക​പ്രശേരി സ്വ​ദേ​ശി​യാ​യ യു​വാ​വാണ് പിടിയിലായത്. കഴിഞ്ഞ ദിവസം രാത്രി ആ​ലു​വ റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തു​നി​ന്നും കസ്‌റ്റഡിയിലെടുത്ത ഇയാള്‍ക്ക് മാ​ന​സി​കാ​സ്വ​സ്ഥ്യം ഉ​ള്ള​താ​യി സം​ശ​യം തോ​ന്നി​യ​തി​നാ​ൽ വി​ശ​ദ​മാ​യി ചോ​ദ്യം ചെ​യ്തു വ​രി​ക​യാ​ണ്. ഇയാളുടെ പേരുവിവരങ്ങള്‍ പുറത്തുവിട്ടിട്ടില്ല.

ദിലീപ് അറസ്‌റ്റിലായതിന് പിന്നാലെയാണ് യുവാവ് ഡിജിപിയെ ഫോണില്‍ വിളിക്കാന്‍ തുടങ്ങിയത്. ദി​ലീ​പി​ന് അ​നു​കൂ​ല​മാ​യി സംസാരിക്കുകയും പൊലീസിന്റെ പ്രവര്‍ത്തിയെ കുറ്റപ്പെടുത്തുകയും ചെയ്യുന്നതായിരുന്നു ഇയാളുടെ രീതി. താരത്തിന്റെ കടുത്ത ആരാധകനാണെന്ന് പറഞ്ഞ യുവാവ് അദ്ദേഹത്തിന്റെ സിനിമകളെക്കുറിച്ച് പൊലീസ് മേധാവിയോട് വിവരിച്ചതായും സ്ഥരീകരിക്കാത്ത റിപ്പോര്‍ട്ടുണ്ട്.

ശല്യം ചെയ്യരുതെന്ന് ഡിജിപി ആവശ്യപ്പെട്ടിട്ടും ഇയാള്‍ ഫോണ്‍ വിളി തുടര്‍ന്നു. യുവാവിനെ കൊണ്ട് ഒരു രക്ഷയുമില്ലാതെ വന്നതോടെ ഫോണ്‍ കോളിനെക്കുറിച്ച് അ​ന്വേ​ഷി​ക്കാ​ൻ പൊലീസിന് നിര്‍ദേശം നല്‍കുകയായിരുന്നു. തു​ട​ർ​ന്ന് മൊ​ബൈ​ൽ ഫോ​ൺ ന​മ്പ​ർ പി​ന്തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ ഇ​യാ​ൾ പി​ടി​യി​ലാ​കു​ക​യാ​യി​രു​ന്നു.