ഓണക്കാലം ലക്ഷ്യമിട്ട്‌ ലഹരി മാഫിയ വേരുറപ്പിക്കുന്നു

ഓണക്കാലം ലക്ഷ്യമിട്ട്‌ ലഹരി മാഫിയ വേരുറപ്പിക്കുന്നു. ആലപ്പുഴ ജില്ലയില്‍ വ്യാജമദ്യ മാഫിയയും കഞ്ചാവ്‌ ലഹരി സംഘങ്ങളും വേരുറപ്പിക്കുന്നു. കഞ്ചാവു കേസുകളിലും പിടിച്ചെടുത്ത കഞ്ചാവിന്റെ അളവിലും വന്‍ വര്‍ധനയാണു ചുരുങ്ങിയ കാലംകൊണ്ട്‌ ഉണ്ടായിരിക്കുന്നത്‌. ഇതു നല്‍കുന്ന സൂചന കഞ്ചാവും മയക്ക്‌ മരുന്നും ഉപയോഗിക്കുന്നവരുടെ എണ്ണം വര്‍ധിച്ചെന്നാണ്‌.

ബാറുകള്‍ പൂട്ടുന്നതിനു മുമ്പ്‌ പിടിച്ചെടുത്ത കഞ്ചാവിനേക്കാള്‍ മൂന്നിരട്ടി കഞ്ചാവാണ്‌ അതിനുശേഷം പിടികൂടിയത്‌. ഒഡീഷ, ബിഹാര്‍, ആന്ധ്ര എന്നിവിടങ്ങളില്‍നിന്നുമാണ്‌ കേരളത്തിലേക്കു ട്രെയിന്‍ മാര്‍ഗം കഞ്ചാവ്‌ ഒഴുകുന്നത്‌. അതിര്‍ത്തിയില്‍ വന്‍തോതില്‍ എത്തുന്ന കഞ്ചാവ്‌ സംസ്‌ഥാനത്തേക്ക്‌ ചെറിയ അളവില്‍ കൊണ്ടുവരികയാണു ചെയ്യുന്നത്‌.