വിനായകന്‍ ആത്മഹത്യ ചെയ്തത് പിതാവ് മര്‍ദ്ദിച്ചത് കൊണ്ടെന്ന്‌ പോലീസ്

ആത്മഹത്യ ചെയ്ത വിനായകന്‍ മരിച്ചത് പോലീസ് മര്‍ദ്ദനത്തെ തുടര്‍ന്നല്ലെന്നും ഒരു പക്ഷേ പിതാവ് മര്‍ദ്ദിച്ചത് കൊണ്ടായിരിക്കാമെന്നും പാവറട്ടി പോലീസ്. കേസ് അന്വേഷിക്കുന്ന ക്രൈംബ്രാഞ്ചിന്റെ ചോദ്യം ചെയ്യലില്‍ വിനായകനെ എസ് ഐ മര്‍ദ്ദിച്ചിട്ടില്ലെന്നാണ് ഡ്യൂട്ടി സമയത്ത് ഉണ്ടായിരുന്ന പോലീസുകാരുടെ മൊഴി.

പോലീസ് മര്‍ദ്ദിച്ചിട്ടില്ലെന്നും വീട്ടില്‍ വെച്ച് പിതാവ് മര്‍ദ്ദിച്ചതിനെ തുടര്‍ന്നാകാം വിനായകന്‍ ആത്മഹത്യ ചെയ്തതെന്നാണ് ഇവര്‍ നല്‍കിയിട്ടുള്ള മൊഴി. ജൂലൈ 17 നായിരുന്നു വിനായകനെ പോലീസ് അറസ്റ്റ് ചെയ്തത്. 18 ന് ഇയാളെ മരിച്ച നിലയില്‍ കണ്ടെത്തുകയായിരുന്നു. അതേസമയം വിനായകന് കസ്റ്റഡിയില്‍ ക്രൂര മര്‍ദ്ദനമേറ്റെന്ന് പോസ്റ്റുമാര്‍ട്ടം റിപ്പോര്‍ട്ടില്‍ വ്യക്തമായിരുന്നു. വിനായകന്റെ ശരീരത്തില്‍ പലയിടത്തും മര്‍ദ്ദനമേറ്റ പാടുകള്‍ ഉണ്ടായിരുന്നു.