രാമ​​ലീല തീയറ്ററുകളിലേയക്ക് : ദിലീപ് അനുകൂല തരംഗം സിനിമയ്ക്ക് ഗുണം ചെയ്യുമെന്ന് റിപ്പോര്‍ട്ട്‌ !

വളരെ പ്രതീക്ഷയോടെ റിലീസിന് തയ്യാറെടുത്തിരുന്ന രാമലീല ദിലീപിന്‌ ഏറെ പ്രതീക്ഷയുള്ള ചിത്രമായിരുന്നു. നടി ആക്രമിക്കപ്പെട്ട കേസില്‍ നടന്‍ ദിലീപ് അറസ്റ്റിലായതോടെ അനിശ്ചിതത്വത്തിലായത് ഒരു കൂട്ടം ആളുകളുടെ സ്വപ്‌നമായിരുന്നു.

13 കോടി രൂപ മുതല്‍ മുടക്കില്‍ ചിത്രം നിര്‍മ്മിച്ച ടോമിച്ചന്‍ മുളകുപാടം, സംവിധായകന്‍ അരുണ്‍ ഗോപി എന്നിവരും റിലീസ് താമസിച്ചതിലുള്ള ആശങ്ക പങ്കുവെച്ചിരുന്നു. കേസില്‍ ദിലീപിന് ജാമ്യം കിട്ടുമെന്നും അപ്പോള്‍ റിലീസ് ചെയ്യാമെന്നുമായിരുന്നു ആദ്യ തീരുമാനങ്ങള്‍. അതിനാല്‍ പല തവണ ഡേറ്റ് മാറ്റി വെയ്‌ക്കേണ്ടിയും വന്നിരുന്നു. എന്നാലിപ്പോള്‍ സെപ്റ്റംബര്‍ 28 ന് റിലീസ് തീരുമാനിച്ചതായാണ് സൂചന.

ദിലീപിനനുകൂലമായ അനുതാപ തരംഗങ്ങള്‍ സിനിമയ്ക്കകത്തും പുറത്തും ശക്തമാകുന്നുണ്ട്. അതിനാല്‍ ചിത്രം റിലീസ് ചെയ്യുന്നതില്‍ അണിയറ പ്രവര്‍ത്തകര്‍ക്കും പ്രതീക്ഷയുണ്ട്. ദിലീപ് ആരാധകരുടെ കൂട്ടമായ ദിലീപ് ഓണ്‍ലൈനാണ് റിലീസ് തീയതി പുറത്തു വിട്ടത്. ഇതിനെ സംബന്ധിച്ച് അണിയറ പ്രവര്‍ത്തകര്‍ ഇന്ന് വാര്‍ത്താ സമ്മേളനം നടത്തുമെന്നും സൂചനയുണ്ട്.