രാമലീല ഈ വർഷത്തെ ഏറ്റവും വലിയ അത്ഭുതമാണെന്ന് വിനീത് ശ്രീനിവാസന്‍

‘രാമലീല’ മികച്ച പ്രതികരണവുമായി തിയേറ്ററുകളില്‍ മുന്നേറുകയാണ്. ജനപ്രിയ നടന്‍ ദിലീപ് നായകനാകുന്ന ചിത്രത്തെ പ്രശംസിച്ച് ഇതിനോടകം നിരവധി പേര്‍ രംഗത്തെത്തികഴിഞ്ഞു. ഈ വര്‍ഷത്തെ ഏറ്റവും അത്ഭുതമാണ് രാമലീലയെന്ന് നടനും സംവിധായകനുമായ വിനീത് ശ്രീനിവാസന്‍ പറയുന്നു. വിനീതിന്റെ ഫേസ്ബുക്ക് പോസ്റ്റ്:

'രാമലീല ഇപ്പോള്‍ കണ്ട് വന്നതേ ഉള്ളൂ, ഒരു സംവിധായകന് കൈകാര്യം ചെയ്യാന്‍ വളരെ ബുദ്ധിമുട്ടാണെന്ന് തോന്നിയ സിനിമയാണിത്. മനോഹരമായി ചിത്രീകരിക്കപ്പെട്ട ചിത്രം. അരുണ്‍ ഗോപിയെന്ന സംവിധായകന്‍ ഇതാ എത്തിച്ചേര്‍ന്നിരിക്കുന്നു, ഒരു മാസ്റ്ററെ പോലെ. ഒരു ഫ്രയിമില്‍ പോലും ഒരു പുതുമുഖ സംവിധായകന്‍ ചെയ്ത സിനിമയാണിതെന്ന് തോന്നിക്കില്ല. പരിചിത സമ്പന്നനായ ഒരു സംവിധായകനെ അരുണില്‍ കാണാന്‍ കഴിഞ്ഞു.

സച്ചിയെന്ന എഴുത്തുകാരന്റെ ഒരു വലിയ ഫാനാണ് ഞാന്‍. അദ്ദേഹം ഇതുവരെ എഴുതിയ സിനിമകളില്‍ ഇതാണ് എനിക്ക് ഏറ്റവും പ്രീയപ്പെട്ടത്. രാമലീല ഈ വർഷത്തെ ഏറ്റവും വലിയ അത്ഭുതമാണ്. സര്‍പ്രൈസ് വിജയം തന്നെയായിരിക്കും രാമലീല കാഴ്ച വെയ്ക്കാന്‍ പോകുന്നത്. ഈ സമയത്ത് തന്നെ രാമലീല റിലീസ് ചെയ്യാന്‍ ധൈര്യം കാണിച്ച ടോമിച്ചന്‍ മുളക്‍പാടത്തെ അഭിനന്ദിക്കണം. സിനിമ ഒരു മാജിക് ആണ്. അത് സൃഷ്ടിക്കുന്നവരുടെ കഴിവുകള്‍ക്കും അതീതമാണ്. കാലം!!.‘ - വിനീത് ശ്രീനിവാസന്‍ കുറിച്ചു.