മെര്‍സല്‍ 200 കോടി ക്ലബിലേക്ക്

വിജയ് ചിത്രം മെര്‍സല്‍ 200 കോടി ക്ലബിലേക്ക്. അടുത്ത ദിവസം തന്നെ ചിത്രം 200 കോടി ക്ലബില്‍ പ്രവേശിക്കും. തമിഴകത്തെ സകല കളക്ഷന്‍ റെക്കോര്‍ഡുകളും തകര്‍ത്തെറിഞ്ഞ് അറ്റ്‌ലി സംവിധാനം ചെയ്ത ഈ അത്ഭുത സിനിമ മുന്നേറുകയാണ്.

രജനിച്ചിത്രമായ എന്തിരന്‍ തമിഴ്നാട്ടില്‍ നിന്ന് ആകെ സ്വന്തമാക്കിയത് 110 കോടി രൂപയായിരുന്നു. അത് ഈയാഴ്ച തന്നെ മെര്‍സല്‍ മറികടന്നേക്കും. ഇതിനോടകം ലോകമെങ്ങുനിന്നുമായി 180 കോടിയിലേറെ സ്വന്തമാക്കിക്കഴിഞ്ഞ മെര്‍സല്‍ വരും ആഴ്ചകളിലും പടയോട്ടം തുടരുമെന്നുതന്നെയാണ് ട്രേഡ് അനലിസ്റ്റുകളുടെ അഭിപ്രായം. എന്തിരന്‍റെയും ബാഹുബലിയുടെയും കളക്ഷന്‍ റെക്കോര്‍ഡുകള്‍ മെര്‍സല്‍ തകര്‍ക്കുമെന്ന് ഉറപ്പായതോടെ തമിഴകത്ത് രജനികാന്തിന് തുല്യനായി വിജയ് മാറുന്നു എന്നാണ് റിപ്പോര്‍ട്ടുകള്‍.