സ്‌ക്രീന്‍ പ്രിന്റിങ്,ടെക്‌സ്റ്റൈല്‍സ് എല്ലാം പരാജയം ; പിന്നീട് വ്യാജനോട്ട് നിര്‍മ്മാണം; പൂഞ്ഞാര്‍ സ്വദേശിയുടെ കഥ സിനിമയെ വെല്ലും !

വ്യാജ നോട്ടുകളുമായി പൂഞ്ഞാര്‍ സ്വദേശി ബെംഗളൂരുവില്‍ പിടിയില്‍. 31.40 ലക്ഷം രൂപയുടെ കള്ളനോട്ടുകളും നിര്‍മ്മാണോപകരണങ്ങളും ബെംഗളൂരു ഹൊസ്സൂരില്‍ നിന്നും പോലീസ് പിടിച്ചെടുത്തു. കോട്ടയം പൂഞ്ഞാര്‍ സ്വദേശി ഗോള്‍ഡ് ജോസഫ്‌ 2000ത്തില്‍ ഈരാറ്റുപേട്ടയില്‍ സ്‌ക്രീന്‍ പ്രിന്റിങ് സ്ഥാപനം തുടങ്ങി. അത് പൂട്ടിയപ്പോള്‍ ടെക്‌സ്റ്റിയല്‍സ് എല്ലാം പരാജയപെട്ടപ്പോള്‍ കള്ളനോട്ടു നിര്‍മ്മാണത്തിലേക്കും.

ജോസഫും വിപിന്‍ എന്ന സുഹൃത്തും ചേര്‍ന്നാണ് കള്ളനോട്ടുകള്‍ നിര്‍മ്മിച്ചിരുന്നത്. ശിഹാബ് എന്നൊരാള്‍ ഇവര്‍ക്കൊപ്പമുണ്ടായിരുന്നു. എന്നാല്‍ ഇയാളുടെ പ്രധാന പ്രവര്‍ത്തനം ജോസഫും വിപിനും നിര്‍മ്മിച്ച പണം വിതരണം ചെയ്യുക എന്നതാണ്. ഇവര്‍ ഉള്‍പ്പെടുന്ന അഞ്ചുപേരെ പോലീസ് പിടികൂടി. പൂഞ്ഞാറിലെ വീട്ടില്‍ നിന്നും ഒമ്പത് ലക്ഷത്തിന്റെ വ്യാജനോട്ടുകളും ഇത് നിര്‍മ്മിക്കുവാനുള്ള ഉപകരണങ്ങളും പിടിച്ചെടുത്തു. പിന്നീട് 2017 ജൂണില്‍ കോഴിക്കോട് മെഡിക്കല്‍ കോളെജ് പോലീസ് രജിസ്റ്റര്‍ ചെയ്ത കേസില്‍ പിടികിട്ടാപ്പുള്ളിയാണ് ഇവര്‍.