ജനനേന്ദ്രീയം മുറിച്ച സംഭവം: യുവാവും യുവതിയും ഒന്നിക്കുന്നു

യുവാവിന്റെ ജനനേന്ദ്രീയം മുറിച്ച സംഭവത്തിലുള്‍പ്പെട്ട യുവാവും യുവതിയും ഒന്നിക്കാന്‍ ആഗ്രഹിക്കുന്നതായി ഹൈക്കോടതിയില്‍. തങ്ങള്‍ ഒന്നിച്ചു ജീവിക്കാന്‍ ആഗ്രഹിക്കുന്നതായും, യുവാവിനെ വീട്ടുകാര്‍ തടഞ്ഞുവെച്ചിരിക്കുകയാണെന്നും വിട്ടു കിട്ടണമെന്നും ഉന്നയിച്ച് യുവതിയാണ് കോടതിയെ സമീപിച്ചിരിക്കുന്നത്.

കുറ്റിപ്പുറത്ത് ലോഡ്ജില്‍ ഇരുവരും മുറി എടുത്ത് താമസിക്കുന്നതിനിടെയാണ് പുറത്തൂര്‍ സ്വദേശിയായ യുവാവിന് ജനനേന്ദ്രീയത്തില്‍ മുറിവേറ്റത്. കഴിഞ്ഞ സെപ്റ്റംബര്‍ 21 നായിരുന്നു സംഭവം. വിവാഹ വാഗ്ദാനം നല്‍കി വഞ്ചിക്കാന്‍ ശ്രമിച്ചതിനെ തുടര്‍ന്നാണ് ജനനേന്ദ്രീയം മുറിച്ചതെന്നതിനെ തുടര്‍ന്ന് സംഭവം കേസായി. സംഭവത്തില്‍ അറസ്റ്റിലായ യുവതി ജാമ്യത്തിലിറങ്ങിയാണ് ഹൈക്കോടതിയെ സമീപിച്ചിരിക്കുന്നത്.