ഗോ​വ ഫെ​സ്റ്റി​വ​ലി​ൽ മി​ക​ച്ച ന​ടിയായി പാര്‍വതി ; പുരസ്കാരം ‘ടേക്ക് ഓഫി’ലെ അഭിനയത്തിന്

ഗോവ രാജ്യാന്തര ചലച്ചിത്ര മേളയിൽ മികച്ച നടിക്കുള്ള പുരസ്ക്കാരത്തിനര്‍ഹയായി പാർവതി. മ​ഹേ​ഷ് നാ​രാ​യ​ണ​ൻ സംവിധാനം ചെയ്ത ചി​ത്രമായ ടേ​ക്ക് ഓ​ഫി​ലെ സ​മീ​ര എ​ന്ന ക​ഥാ​പാ​ത്ര​ത്തെ അ​വ​ത​രി​പ്പിച്ചതിനാണ് പാ​ർ​വ​തിയ്ക്ക് പു​ര​സ്കാ​രം ലഭിച്ചത്. ചലച്ചിത്രമേളയിൽ ഇന്ത്യൻ പനോരമയിൽ പ്രദർശിപ്പിച്ച ഏകചിത്രമായിരുന്നു മഹേഷ് നാരായണന്റെ ടേക്ക് ഓഫ് എന്നതും ശ്രദ്ധേയമായി.

ഇതാദ്യമായാണ് ഗോ​വ അ​ന്താ​രാ​ഷ്ട്ര ച​ല​ച്ചി​ത്ര​മേ​ള​യി​ൽ ഒ​രു മ​ല​യാ​ള ന​ടി മി​ക​ച്ച ന​ടി​ക്കു​ള്ള പു​ര​സ്കാ​രം സ്വന്തമാക്കുന്നത്. നി​ര​വ​ധി ലോ​ക സി​നി​മ​ക​ളോ​ടു മ​ത്സ​രി​ച്ചായിരുന്നു പാര്‍വതിയുടെ ഈ പു​ര​സ്കാ​ര നേട്ടം. തനിക്ക് ലഭിച്ച പുരസ്‌ക്കാരം മരിച്ചുപോയ സംവിധായകന്‍ രാജേഷ് പിള്ളയ്ക്കും കേരളത്തിലെ എല്ലാ നഴ്‌സുമാര്‍ക്കും സമര്‍പ്പിക്കുന്നതായി പുരസ്‌ക്കാരം ഏറ്റുവാങ്ങിക്കൊണ്ട് പാര്‍വതി പറഞ്ഞു.