തർക്കം മുറുകുന്നു : ആരാണ് ജയന്റെ സഹോദരന്റെ മക്കള്‍ ?

മലയാളികളുടെ അഭിമാനതാരമായ അന്തരിച്ച അതുല്യ നടൻ ജയന്റെ സഹോദരന്റെ മകളുടെ പേരിൽ സോഷ്യൽ മീഡിയകളിൽ തർക്കം മുറുകുകയാണ്. താൻ ജയന്റെ സഹോദരന്റെ മകളാണെന്നു പറഞ്ഞ ഉമാ നായർ എന്ന സീരിയൽ നടിക്ക് പ്രതികരണവുമായി ജയന്റെ അനുജന്റെ മകൾ ലക്ഷ്മി രംഗത്തെത്തിയതോടെയാണ് സംഭവം വൈറലായത്. ഇപ്പോഴിതാ, ലക്ഷ്മിക്ക് മറുപടി നൽകിയിരിക്കുകയാണ് ഉമ.

തനിക്ക് ഉമാ നായർ എന്നയാളെ അറിയില്ലെന്നും ജയന്റെ സഹോദരന്റെ മകൾ എന്നു പറഞ്ഞപ്പോൾ ഞെട്ടിപ്പോയെന്നും വെളിപ്പെടുത്തി ലക്ഷ്മി രംഗത്തെത്തി. അച്ഛന്റെ ബന്ധങ്ങളിലൊന്നും ഇങ്ങനെയൊരാളെ കേട്ടിട്ടില്ലെന്നും ലക്ഷ്മി പറഞ്ഞു. സോഷ്യല്‍ മീഡിയയിലൂടെ അപമാനിച്ചതിന് ലക്ഷ്മിക്കെതിരെ കേസ് കൊടുക്കാന്‍ ഒരുങ്ങുകയാണ് ഉമ