മാനഭംഗശ്രമം : തിരക്കഥ ഉണ്ണിയുടേതോ യുവതിയുടേതോ?

മലയാള സിനിമ മേഖല ഇപ്പോൾ വിവാദങ്ങൾക്ക് നടുവിലാണ്. യുവനടൻ ഉണ്ണി മുകുന്ദനെതിരെ തിരക്കഥാകൃത്തായ യുവതി പീഡനആരോപണവുമായി രംഗത്തെത്തിയിരിക്കുകയാണ്. യുവതിക്കെതിരെ ആദ്യം പരാതി നൽകിയത് താരം തന്നെയായിരുന്നു. പീഡന കേസില്‍പ്പെടുത്തി പണം തട്ടാന്‍ ശ്രമിച്ചെന്ന ആരോപണവുമായി ഉണ്ണിമുകുന്ദന്‍ നല്‍കിയ പരാതി വ്യാജമാണെന്ന് ആരോപണ വിധേയയായ യുവതി വ്യക്തമാക്കിയതോടെ കാര്യങ്ങൾ തകിടം മറിയുകയായിരുന്നു. ഉണ്ണി മുകുന്ദന്‍ തനിക്കെതിരെ നൽകിയത് കള്ളക്കേസാണെന്ന് യുവതി പറയുന്നു.

തന്നെ ബലാല്‍സംഘം ചെയ്യാന്‍ ഉണ്ണി മുകുന്ദന്‍ ശ്രമിച്ചതിനെ തുടര്‍ന്ന് നാല് മാസം മുമ്പ് താൻ നൽകിയ കേസിൽ കാക്കനാട് കോടതിയിൽ നിന്നും ജാമ്യം ലഭിച്ച് പുറത്തിറങ്ങിയ ശേഷമാണ് ഉണ്ണി ഇത്തരമൊരു വ്യാജ പരാതിയുമായി രംഗത്തെത്തിയതെന്നും തന്നെ അപകീർത്തിപ്പെടുത്താൻ മാധ്യമങ്ങളെ കൂട്ടുപിടിച്ചതെന്നും അവർ പറഞ്ഞു. ഉണ്ണി മുകുന്ദനെ കണ്ട് കഥ പറയാന്‍ ചെന്ന സമയത്താണ് തനിക്കെതിരെ അതിക്രമം ഉണ്ടായതെന്നും യുവതി പറഞ്ഞു.

പൊതുജനം അറിഞ്ഞാല്‍ പീഡനശ്രമം തന്നെയും ബാധിക്കുമെന്ന് കണ്ട് പൊലീസില്‍ പരാതി നല്‍കിയില്ലെന്നും തുടര്‍ന്നാണ് കാക്കനാട് മജിസ്‌ട്രേറ്റ് കോടതിയില്‍ പരാതി നല്‍കി രഹസ്യ മൊഴി നല്‍കിയതെന്നും യുവതി വ്യക്തമാക്കി. പരാതി സ്വീകരിച്ച കോടതി ഡിസംബർ എട്ടിന്​ഉണ്ണി മുകുന്ദനോട്​ഹാജരാകാൻ ആവശ്യപ്പെട്ടു. മഹാരാജാസ്​കോളജിനടുത്തുള്ള ജില്ലാ കോടതിയിൽ എത്തിയ ഉണ്ണിയെ രണ്ട് ആളുകളുടെ ജാമ്യത്തിലാണ്​കോടതി വിട്ടയച്ചതെന്നും യുവതി പറയുന്നു. സംഭവത്തിൽ ഉണ്ണി മുകുന്ദനാണോ യുവതിയാണോ തിരക്കഥ ഒരുക്കിയിരിക്കുന്നതെന്ന് ഇനിയും വ്യക്തമല്ല. ഏതായാലും താരത്തിനെതിരെ ഉടൻ നടപടി എടുക്കണ്ട എന്ന നിഗമനത്തിലാണ് പൊലീസ്.