വുമണ്‍ ഇന്‍ സിനിമാ കളക്ടീവോ ? ആ സംഘടനയെക്കുറിച്ച് വ്യക്തമായ ധാരണയില്ലെന്ന് ലെന !

വുമണ്‍ ഇന്‍ സിനിമാ കളക്ടീവ് എന്ന സ്ത്രീകളുടെ സംഘടനയെക്കുറിച്ച് തനിക്ക് വ്യക്തമായ ധാരണയില്ലെന്നും നടി പറഞ്ഞു. സംഘടന രൂപീകരിക്കുന്ന സമയത്ത് താന്‍ സ്‌കോട്ലന്‍ഡിലായിരുന്നു. അവിടുന്നു തിരിച്ചു വന്നശേഷം തന്റേതായ തിരക്കുകളിലായിരുന്നു. പിന്നെ തന്നെ ആരും സമീപിച്ചിട്ടില്ല. വ്യക്തതയില്ലാത്തതുകൊണ്ടുതന്നെ ആ സംഘടനയെക്കുറിച്ച് കൂടുതല്‍ പറയാനുള്ള അര്‍ഹത തനിക്കില്ലെന്നും ലെന പറഞ്ഞു.

നടി ആക്രമിക്കപ്പെട്ട സമയത്ത് താന്‍ സിഡ്‌നിയിലായിരുന്നു. അതുകൊണ്ട് ആ സംഭവം വളരെ നാളുകള്‍ക്ക് ശേഷമാണ് അറിഞ്ഞത്. ആ സംഭവം അറിഞ്ഞ ശേഷം സ്ത്രീകള്‍ കൂടുതല്‍ ശ്രദ്ധിക്കേണ്ടിയിരിക്കുന്നു എന്ന് തനിക്ക് തോന്നിയിട്ടുണ്ട്. സ്ത്രീകള്‍ വളരെ കെയര്‍ഫുള്ളായിരിക്കണം. താന്‍ വ്യക്തിപരമായി എടുക്കുന്ന മുന്‍കരുതലാണ് പരമാവധി രാത്രി ഒറ്റക്കു യാത്രചെയ്യാതിരിക്കുക എന്നതെന്നും അവര്‍ കൂട്ടിച്ചേര്‍ത്തു.