ബോളിവുഡ് നടി കങ്കണ റണൗത്തിനെതിരെ വിമര്‍ശനവുമായി സംവിധായകന്‍ അനുരാഗ് കശ്യപ്. ഈ പുതിയ കങ്കണയെ തനിക്കറിയില്ലെന്നാണ് നടിയുടെ ഒരു അഭിമുഖത്തിന്റെ വിഡിയോ പങ്കുവെച്ചുകൊണ്ട് ട്വിറ്ററില്‍ കുറിച്ചത്. ‘ഞാന്‍ നേരത്തെ കങ്കണയുടെ നല്ല സുഹൃത്തായിരുന്നു. എന്നാല്‍ ഇപ്പോള്‍ ഈ പുതിയ കങ്കണയെ എനിക്ക് പരിചയമേ ഇല്ല’. –അനുരാഗ് പറയുന്നു.മണികര്‍ണിക സിനിമയുടെ സമയത്തെ അഭിമുഖമാണ് അനുരാഗ് പങ്കുവച്ചത്. ചിത്രത്തിന്റെ ക്രെഡിറ്റ് മുഴുവന്‍ തനിക്കാണെന്നാണ് വിഡിയോയില്‍ കങ്കണ പറയുന്നത്. പേടിപ്പെടുത്തതാണെന്നായിരുന്നു അതേക്കുറിച്ച് അനുരാഗ് പറഞ്ഞത്.‘ഈ പുതിയ കങ്കണയ്ക്ക് എന്താണ് സംഭവിക്കുന്നതെന്നും അവർ എന്താണ് ചെയ്യുന്നതെന്നും അവരുടെ അടുത്ത കുടുംബാംഗങ്ങൾക്കോ സുഹൃത്തുക്കൾക്ക് പോലുമോ അറിയില്ല. യാഥാർഥ്യം എന്തെന്നാൽ ഇന്ന് അവൾക്ക് സ്വന്തമെന്ന് പറയാൻ ആരും ഇല്ല എന്നതാണ്.’ ‘ഞാൻ ഇന്നലെ കങ്കണയുടെ അഭിമുഖം കണ്ടു. അവൾ ഒരു കാലത്ത് എന്റെ ഒരു നല്ല സുഹൃത്തായിരുന്നു. എന്റെ സിനിമകളെ അവർ പ്രോത്സാഹിപ്പിക്കാറുണ്ടായിരുന്നു. പക്ഷേ ഈ പുതിയ കങ്കണ എനിക്കറിയില്ല. മണികർണികയുടെ റിലീസിന് തൊട്ടുപിന്നാലെ വന്ന കങ്കണയുടെ ഈ ഭയപ്പെടുത്തുന്ന അഭിമുഖം ഞാൻ കണ്ടു.’വിജയത്തിന്റെ ലഹരി എല്ലാവരേയും തുല്യമായി ബാധിക്കുമെന്നും എന്നാൽ എന്നിൽ നിന്ന് പഠിക്കൂ, എന്നെപ്പോലെയാകൂ എന്നൊന്നും പറയുന്ന കങ്കണയെ തനിക്ക് അറിയില്ലെന്നും അനുരാഗ് പറയുന്നു. 2015 ന് മുമ്പ് താൻ കങ്കണയിൽ നിന്ന് ഇതൊന്നും കേട്ടിട്ടില്ലെന്നും അവരെ ആരൊക്കെയോ ചേർന്ന് ഉപയോഗിക്കുന്നുവെന്ന് സംശയമുണ്ടെന്നും അനുരാഗ് കശ്യപ് കൂട്ടിച്ചേർത്തു.ബോളിവുഡ് താരങ്ങളായ തപ്സി പന്നുവിനെയും സ്വര ഭാസ്‌കറിനെയും വിമർശിച്ച് കങ്കണ നടത്തിയ പരാമര്‍ശം വിവാദമായിരുന്നു. ഇരുവരും കരണ്‍ ജോഹറുള്‍പ്പെടെയുള്ള വന്‍കിട നിര്‍മാതാക്കളെ പിന്തുണക്കുകയാണെന്നും ഇവര്‍ കാരണമാണ് ഇരു നടികളും ബി ഗ്രേഡ് നടിമാരായിരിക്കുന്നതെന്നും അവര്‍ ശ്രദ്ധ പിടിച്ചു പറ്റാന്‍ ശ്രമിക്കുന്ന ‘പുറംപാർട്ടികളാണെന്നും കങ്കണ പറഞ്ഞിരുന്നു. കങ്കണയുടെ പരാമര്‍ശത്തില്‍ പിന്നീട് പ്രതികരണവുമായി സ്വര ഭാസ്‌കറും തപ്‌സി പന്നുവും രംഗത്തെത്തി.