വേറിട്ട ഫോട്ടോഷൂട്ടില്‍ നിമിഷ സജയനും ദിവ്യ പ്രഭയും

മലയാളത്തില്‍ ചെറിയ റോളില്‍ എത്തി ശ്രദ്ധേയരായ യുവ നടിമാരാണ് നിമിഷ സജയനും ദിവ്യ പ്രഭയും.സിനിമയില്‍ അടുത്തകാലത്ത് ഇരുവരും വളരെ ശ്രദ്ധിക്കപ്പെട്ട കഥാപാത്രങ്ങള്‍ ചെയ്യാനായിട്ടുണ്ട്. സമൂഹ മാധ്യമങ്ങളില്‍ പങ്കുവയ്ക്കുന്ന ഇരുവരുടെയും ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്.ഇപ്പോഴിതാ ഇരുവരും ഒന്നിച്ചുള്ള ഒരു ഫോട്ടോ ഷൂട്ട് ആണ് ആരാധകര്‍ ചര്‍ച്ചയാക്കുന്നത്.
നിമിഷ സജയന്‍ തന്നെയാണ് ഫോട്ടോകള്‍ ഷെയര്‍ ചെയ്തിരിക്കുന്നത്. വേറിട്ട തീമിലാണ് ഫോട്ടോ ഷൂട്ട് ചെയ്തിരിക.ഷജീര്‍ ബഷീര്‍ ആണ് ഫോട്ടോഗ്രാഫര്‍. നിമിഷ സജയനെയും ദിവ്യ പ്രഭയെയും ഒന്നിച്ചും അല്ലാതെയും ഫോട്ടോഷൂട്ടില്‍ കാണാം.മികച്ച നടിക്കുള്ള സംസ്ഥാന ചലച്ചിത്ര അവാര്‍ഡ് സ്വന്തമാക്കിയ നടിയാണ് നിമിഷ സജയന്‍. നിമിഷ സജയന്‍ ഇംഗ്ലീഷ് ചിത്രത്തില്‍ അഭിനയിക്കുന്നുവെന്ന് അടുത്തിടെ വാര്‍ത്ത വന്നിരുന്നു.നഥാലിയ ശ്യാം സംവിധാനം ചെയ്യുന്ന ഇംഗ്ലീഷ് സിനിമയിലാണ് നിമിഷ സജയന്‍ അഭിനയിക്കുന്നത്.മഹേഷ് നാരായണന്‍ സംവിധാനം ചെയ്ത മാലിക് ആണ് നിമിഷയുടെ ഉടന്‍ റിലീസ് ചെയ്യാനുള്ള ചിത്രം.തമാശ, ടേക്ക് ഓഫ് എന്നീ സിനിമകളിലൂടെ ശ്രദ്ധിക്കപ്പെട്ട നടിയാണ് ദിവ്യ പ്രഭ.മാലിക്കിലും ദിവ്യ പ്രഭ ഒരു കഥാപാത്രം ചെയ്യുന്നുണ്ട്.ഇരുവരുടെയും ഫോട്ടോ ഷൂട്ട് ആരാധകര്‍ ഏറ്റെടുത്തിരിക്കുകയാണ്.