സയനൈഡ് മോഹന്റെ ജീവിതം സിനിമയാവുന്നു

ഇരുപത് യുവതികള്‍ക്ക് സയനൈഡ് നല്‍കി കൊലപ്പെടുത്തിയ, കര്‍ണാടകയിലെ ഫിസിക്കല്‍ എജുക്കേഷന്‍ അധ്യാപകനായ സയനൈഡ് മോഹന്‍ എന്ന കുപ്രസിദ്ധ കുറ്റവാളിയുടെ ജീവിതത്തെ അടിസ്ഥാനമാക്കി രാജേഷ് ടച്ച്‌റിവര്‍ സംവിധാനം ചെയ്യുന്ന ചിത്രമാണ് 'സയനൈഡ്'.
കേസ് അന്വേഷിക്കുന്ന ഐജി റാങ്കിലുള്ള സ്‌പെഷ്യല്‍ ഇന്‍വെസ്റ്റിഗേഷന്‍ ഓഫീസ്സറായി പ്രിയാമണി പ്രധാന കഥാപാത്രത്തെ അവതരിപ്പിക്കുന്നു. സാങ്കേതിക രംഗത്തും അഭിനയ രംഗത്തും പുരസ്‌കാരജേതാക്കളായവരുടെ ഒരു വന്‍ സംഘവുമായാണ് സയനൈഡ് എന്ന ബഹുഭാഷാചിത്രത്തിന്റെ വരവ്.അഞ്ച് ഭാഷകളിലായി എത്തുന്ന ചിത്രത്തില്‍ ഹിന്ദി പതിപ്പില്‍ ബോളിവുഡ് താരം യശ്പാല്‍ ശര്‍മ്മയാണ് പ്രിയ മണി അവതരിപ്പിക്കുന്ന പോലീസ് ഓഫീസറുടെ വേഷത്തില്‍ എത്തുന്നത്.
രാജേഷ് ടച്ച്‌റിവറിന്റെ ആദ്യ സംവിധാന സംരംഭമായ ബ്രിട്ടീഷ് ചിത്രം 'ഇന്‍ ദ നെയിം ഓഫ് ബുദ്ധ', പ്രദര്‍ശനത്തിന് തയ്യാറെടുക്കുന്ന 'പട്‌നാഗര്‍' എന്നീ ചിത്രങ്ങള്‍ക്കുശേഷം രാജേഷ് ടച്ച്‌റിവറിനൊപ്പം മറ്റൊരു നിര്‍ണ്ണായക കഥാപാത്രത്തെ അവതരിപ്പിക്കുന്നത് തെന്നിന്ത്യന്‍ സിനിമ പ്രേക്ഷകര്‍ക്ക് സുപരിചിതനായ ഷിജു ആണ്.