പ്രണയം തകർന്നപ്പോൾ കൈത്താങ്ങായത് അവൻ : മനസുതുറന്ന് രശ്മിക മന്ദാന

ഗീതാഗോവിന്ദത്തിലൂടെ മലയാളികൾക്കടക്കം ഏറെ സുപരിചിതയായ നായികയാണ് രശ്മിക മന്ദാന. ഗീതാഗോവിന്ദത്തിന് ശേഷം ഡിയര്‍ കോമ്രേഡ് എന്ന ചിത്രത്തിലും വിജയ്‌ദേവരകൊണ്ടയ്ക്കൊപ്പം രശ്മിക എത്തിയിരുന്നു.

ഇരുവരും തമ്മിലുള്ള അടുപ്പം കണ്ട് പലരും ഇവർ പ്രണയത്തിലാണോ എന്ന സംശയം പ്രകടിപ്പിച്ചിരുന്നു. എന്നാൽ പ്രണയമല്ല തന്റെ ഏറെ വിഷമകരമായ നിമിഷത്തിൽ സഹായിച്ചത് വിജയ്‌ദേവരകൊണ്ടയാണെന്നും അതാണീ അടുപ്പത്തിന് കാരണമെന്നുമാണ് രശ്മിക മന്ദാന പറയുന്നത്.

ഒരു തവണ വിവാഹനിശ്ചയം വരെ നടത്തിയെങ്കിലും ആ ബന്ധം ഉപേക്ഷിച്ച് സിനിമയില്‍ സജീവമാവുകയായിരുന്നു രശ്മിക. സിനിമയിലെത്തിയതിന് പിന്നാലെ നടന്‍ രക്ഷിത് ഷെട്ടിയുമായി രശ്മിക പ്രണയത്തിലായിരുന്നു.

പ്രണയം അംഗീകരിച്ച് ഇരുവീട്ടുകാരും ചേര്‍ന്ന് 2017 ല്‍ ഇരുവരുടെയും വിവാഹനിശ്ചയവും നടത്തി. വിവാഹനിശ്ചയം കഴിഞ്ഞ് കൃത്യം ഒരു വര്‍ഷം എത്തിയപ്പോഴെക്കും താരങ്ങള്‍ വേര്‍പിരിഞ്ഞു.

രണ്ട് പേരും ഒരേ മനസോട് കൂടിയാണ് വിവാഹം വേണ്ടെന്ന് വച്ചത്.രക്ഷിത് ഷെട്ടിയുമായിട്ടുള്ള പ്രണയതകര്‍ച്ചയില്‍ നിന്നും ഞാന്‍ മടങ്ങി വരികയായിരുന്നു. അതുകൊണ്ട് തന്നെ കുറച്ച് കരുതലും സുരക്ഷിതത്വവും എനിക്ക് ആവശ്യമായിരുന്നു. ആ സമയത്ത് ഏറെ സഹായിച്ചത് വിജയ്‌ദേവരകൊണ്ടയാണെന്നാണ് രശ്മിക പറയുന്നത്.