നിയമസഭാ തിരഞ്ഞെടുപ്പില്‍ മത്സരിക്കാന്‍ ആഗ്രഹമുണ്ട്; പ്രിയങ്ക അനൂപ്

മിനിസ്ക്രീൻ പരമ്പരകളിലൂടെയും സിനിമകളിലെ കൊച്ചു കൊച്ചു വേഷങ്ങളിലൂടെയും കോമഡി പറഞ്ഞ് മലയാളികളുടെ മനസ്സിൽ ഇടംപിടിച്ച താരമാണ് പ്രിയങ്ക.ഇപ്പോഴിതാ തിരഞ്ഞെടുപ്പ് ചൂടുപിടിച്ചതോടെ മത്സരിക്കാൻ താല്പര്യം പ്രകടിപ്പിച്ചിരിക്കുകയാണ് താരം.

നിയമസഭാ തിരഞ്ഞെടുപ്പില്‍ മത്സരിക്കാന്‍ ആഗ്രഹം ഉണ്ട് എന്ന് പറഞ്ഞത് മത്സരിച്ച് ജയിച്ച് വല്യ ആളായി നടക്കാനല്ലെന്നും കുറച്ച് നല്ല കാര്യങ്ങള്‍ ചെയ്യാനാണെന്നും പ്രിയങ്ക പറയുന്നു.അതുകൊണ്ടുതന്നെ മത്സരിക്കാന്‍ തയ്യാറാണെന്നും പറഞ്ഞ് ഞാന്‍ നടക്കുന്നില്ലെന്നുംതാരം വ്യക്തമാക്കുന്നു.

തിരഞ്ഞെടുപ്പിനെ വളരെ വാശിയോടെ തന്നെ കാണുന്ന ഒരാളാണ് താനെന്നും സമൂഹത്തില്‍ മാറ്റങ്ങള്‍ ഉണ്ടാവാന്‍ തിരഞ്ഞെടുപ്പുകള്‍ വേണമെന്നും താരം പറയുന്നു. അതേസമയം തന്റെ മനസ്സിൽ നല്ല പാര്‍ട്ടിയും നല്ല തീരുമാനവുമുണ്ടെന്നും എന്നാൽ അത് വെളിപ്പെടുത്തേണ്ട സമയത്ത് അതിന്‍റേതായ രീതിയില്‍ ഞാന്‍ വെളിപ്പെടുത്തുമെന്നും താരം പറയുന്നു.

ഇന്നത്തെ സമൂഹത്തില്‍ നടക്കുന്ന എല്ലാ കാര്യങ്ങളും ഞാന്‍ പഠിക്കുന്നുണ്ട്. പ്രതീക്ഷകള്‍ തന്ന് നമ്മള്‍ ജയിപ്പിച്ച് വിട്ടിട്ടും ഒന്നും ചെയ്യാതിരിക്കുമ്പോഴാണ് പാവപ്പെട്ട ജനങ്ങളെ വഞ്ചിക്കുന്നുവെന്ന തോന്നല്‍ ഉണ്ടാവുന്നത്. ജനങ്ങൾ തിരഞ്ഞെടുത്തു വിടുന്നവർ ജനങ്ങളുടെ ഒപ്പം നില്‍ക്കണമെന്നും താരം ഓർമപ്പെടുത്തുന്നു.