മുത്തശ്ശിക്കാലത്തെ ഓര്‍മ്മകളുമായി രജിഷ വിജയന്‍

'അനുരാഗ കരിക്കിന്‍ വെള്ളം' എന്ന ചിത്രത്തിലൂടെ മലയാളികളുടെ പ്രിയങ്കരിയായി മാറിയ താരമാണ് രജിഷ വിജയന്‍. ഈ ചിത്രത്തിലെ അഭിനയത്തിന് രജിഷയ്ക്ക് അവാര്‍ഡും ലഭിച്ചു. സോഷ്യല്‍ മീഡിയയില്‍ സജീവയായ താരം ഇപ്പോള്‍ ആരാധകര്‍ക്കായി പുതിയ ചിത്രം പങ്കുവെച്ചിരിക്കുകയാണ്.
പാരമ്പര്യത്തനിമയുള്ള ആഭരണങ്ങള്‍ അണിഞ്ഞു നില്‍ക്കുന്ന ഏതാനും ചിത്രങ്ങള്‍ ഇന്‍സ്റ്റഗ്രാമിലൂടെ ആരാധകര്‍ക്കായി പങ്കുവയ്ക്കുകയാണ് താരം ഇപ്പോള്‍. താന്‍ എപ്പോഴും അണിയാന്‍ ആഗ്രഹിച്ച തരത്തിലുള്ള വിന്റേജ് ഹാന്‍ഡ് മെയ്ഡ് ജ്വല്ലറികളാണ് ഇവയെന്നാണ് ചിത്രങ്ങള്‍ പങ്കുവച്ചുകൊണ്ട് രജിഷ കുറിക്കുന്നത്. ന്യൂ ഇയറിനോട് അടുപ്പിച്ച് ഹിമാചല്‍ പ്രദേശിലേക്ക് നടത്തിയ ഒരു യാത്രയുടെ ചിത്രങ്ങളും അടുത്തിടെ രജിഷ ഇന്‍സ്റ്റഗ്രാമില്‍ പങ്കുവച്ചിരുന്നു.