ഇതാണ് ലാലേട്ടന്‍ ; പുത്തന്‍ വര്‍ക്ക് ഔട്ടുമായി ലാലേട്ടന്‍

ലാലേട്ടന്റെ മെയ്വഴക്കത്തെ കുറിച്ച് എടുത്ത് പറയേണ്ട കാര്യമില്ലല്ലോ. ചെയ്യുന്ന കാര്യം എന്ത് തന്നെ ആയാലും അത് അതിന്റെ ഭംഗിയിലും പൂര്‍ണ്ണതയിലും ചെയ്യാന്‍ ശ്രമിക്കുന്ന ആളാണ് ലാലേട്ടന്‍. അത് ഇപ്പോള്‍ അഭിനയമായാലും വര്‍ക്ക് ഔട്ട് ആണെങ്കിലും ഒരു പോലെ തന്നെ. ലാലേട്ടന്റെ കുഞ്ഞു കുഞ്ഞു വിശേഷങ്ങള്‍ പോലും ഏറ്റെടുക്കുന്നവരാണ് ആരാധകര്‍.
ഇപ്പോഴിതാ ലാലേട്ടന്റെ പുത്തന്‍ വര്ക്ക് ഔട്ടിങ് വീഡിയോ ആണ് ആരാധകര്‍ക്കിടയില്‍ നിറഞ്ഞ് നില്‍ക്കുന്നത്. ലാലേട്ടന്‍ ജിമ്മിലേക്കെത്തുന്നതും ഫിറ്റ്‌നസ് പരിശീലകനൊപ്പം വ്യായാമം ചെയ്യുന്നതുമാണ് വിഡിയോയില്‍ ഉള്ളത്. ''മോട്ടിവേഷനാണ് എന്തും തുടങ്ങാന്‍ നിങ്ങളെ സഹായിക്കുന്നത്. ശീലം നിങ്ങളെ മുന്നോട്ട് കൊണ്ടുപോകുന്നു. ആരോഗ്യകരമായ ഒരു ശീലം പിന്തുടരുക'', വിഡിയോയ്ക്കൊപ്പം മോഹന്‍ലാല്‍ കുറിച്ചു.