ആധാകരയുടെ കാത്തിരിപ്പിനൊടുവില്‍ മാസ്റ്ററിലെ ‘വാത്തി’ ഗാനത്തിന്റെ പുതിയ പ്രമോ പുറത്തിറങ്ങി

ആരാധകര്‍ കണ്ണിലെണ്ണയൊഴിച്ച് കാത്തിരിക്കുന്ന ചിത്രമാണ് മാസ്റ്റര്‍. മാസ്റ്ററിന്റെ കുറിച്ചുള്ള ഓരോ വാര്‍ത്തകളും അതിവേഗം സോഷ്യല്‍ മീഡിയയില്‍ തരംഗമാകാറുണ്ട്. ആരാധകര്‍ക്ക് ആശ്വസിക്കാനുള്ള വാര്‍ത്തയായിരുന്നു പൊങ്കല്‍ ദിനത്തില്‍ മാസ്റ്റര്‍ റിലീസ് ചെയ്യുന്നു എന്നത്.
ഇപ്പോഴിതാ ചിത്രത്തിലെ 'വാത്തി' ഗാനത്തിന്റെ പുതിയ പ്രമോ പുറത്തിറക്കിയിരിക്കുകയാണ് അണിയറ പ്രവര്‍ത്തകര്‍.
ആക്ഷന് പ്രധാന്യം നല്‍കിയുള്ള സീനുകളാണ് പ്രമോയില്‍ ഉള്‍പ്പെടുത്തിയിരിക്കുന്നത്. നേരത്തെ വാത്തിയിലെ ഒരു ഗാനരംഗം അണിയറക്കാര്‍ പങ്കുവച്ചിരുന്നു. അനിരുദ്ധ് രവിചന്ദെര്‍ ആണ് സംഗീത സംവിധാനം. അതേസമയം കഴിഞ്ഞ ദിവസം ചിത്രത്തിന്റെ ഹിന്ദി ട്രെയിലര്‍ പുറത്തിറങ്ങിയിരുന്നു. താരങ്ങള്‍ അടക്കം ട്രെയിലര്‍ ഷെയര്‍ ചെയ്തിരുന്നു. ലോകേഷ് കനകരാജ് ആണ് ചിത്രം സംവിധാനം ചെയ്യുന്നത്.വിജയ് ദ മാസ്റ്റര്‍ എന്ന പേരിലാണ് ഹിന്ദിയില്‍ ചിത്രം പ്രദര്‍ശനത്തിന് എത്തുക. 14ന് ആണ് ഹിന്ദിയില്‍ ചിത്രം റിലീസ് ചെയ്യുക. ലോകേഷ് കനകരാജ് തന്നെയാണ് ചിത്രത്തിന്റെ തിരക്കഥയെഴുതുന്നത്. കൊവിഡ് കാരണമായിരുന്നു സിനിമയുടെ റിലീസ് വൈകിയത്. ഇപ്പോള്‍ മാസ്റ്റര്‍ തിയറ്ററില്‍ തന്നെ എത്തിക്കാന്‍ തീരുമാനിച്ചിരിക്കുകയാണ്.