ഹാക്കില്‍ പെട്ട് നസ്രിയയുടെ ഇന്‍സ്റ്റഗ്രാം ; മുന്നറിയിപ്പുമായി നസ്രിയ

മലയാളികളുടെയും തെന്നിന്ത്യന്‍ ആരാധകരുടെയും പ്രിയ താരമാണ് നസ്രിയ. തന്റെ ജീവിതത്തിലെ കുഞ്ഞു കുഞ്ഞു വിശേഷങ്ങള്‍ പോലും ആരാധകരോട് താരം പങ്കുവെക്കാറുണ്ട്. താരത്തിന്റെ ഇന്‍സ്റ്റാഗ്രാം ചിത്രങ്ങള്‍ക്കും ആരാധകരേറെയാണ്. ഇപ്പോഴിതാ നസ്രിയയുടെ ഇന്‍സ്റ്റാഗ്രാം ആരോ ഹാക്ക് ചെയ്തു എന്ന വാര്‍ത്തയാണ് പുറത്ത് വരുന്നത്. തിങ്കളാഴ്ച വൈകുന്നേരം നസ്രിയയുടെ ഇന്‍സ്റ്റഗ്രാം പ്രൊഫൈലില്‍ നിന്നുള്ള ലൈവ് കണ്ട് ഫോളോവേഴ്‌സ് ഒന്ന് അമ്പരന്നു. പ്രൊഫൈല്‍ ഹാക്ക് ചെയ്യപ്പെട്ടതാകാം എന്ന് പലരും സംശയം പ്രകടിപ്പിച്ചു. വൈകാതെ സംഭവങ്ങളില്‍ വ്യക്തത വരുത്തി താരം തന്നെ രംഗത്തെത്തിയിരിക്കുകയാണ്. തന്റെ പ്രൊഫൈല്‍ ഹാക്ക് ചെയ്യപ്പെട്ടുവെന്നും മെസേജുകള്‍ക്ക് ദയവായി മറുപടി അയയ്ക്കരുതെന്നും നസ്രിയ പറഞ്ഞു.''ഏതോ കോമാളികള്‍ എന്റെ ഇന്‍സ്റ്റഗ്രാം പ്രൊഫൈല്‍ ഹാക്ക് ചെയ്തിരിക്കുന്നു. കുറച്ചു ദിവസം എന്റെ പ്രൊഫൈലില്‍ നിന്നു വരുന്ന മെസേജുകള്‍ക്ക് ദയവായി മറുപടി അയയ്ക്കരുത്. ഇക്കാര്യം എന്റെ ശ്രദ്ധയില്‍ പെടുത്തിയ എല്ലാവര്‍ക്കും നന്ദി. മറ്റെല്ലാം നന്നായിരിക്കുന്നു,'' നസ്രിയ കുറിച്ചു.