അങ്കത്തിന് തയാറായി ‘നെയ്യാറ്റിന്‍കര ഗോപന്‍’; ആറാട്ട് പോസ്റ്റര്‍ വൈറല്‍

മോഹന്‍ലാലിനെ നായകനാക്കി ബി. ഉണ്ണികൃഷ്ണന്‍ സംവിധാനം ചെയ്യുന്ന 'ആറാട്ട്' ചിത്രത്തിന്റെ ഒഷീഷ്യല്‍ പോസ്റ്റര്‍ പുറത്ത്. മുണ്ട് മടക്കി കുത്തി, പൊടി പാറുന്ന ഗ്രൗണ്ടില്‍ അങ്കത്തിന് തയാറായി നില്‍ക്കുന്ന മോഹന്‍ലാല്‍ ആണ് പോസ്റ്ററിലുള്ളത്. ആരാധകര്‍ക്ക് ഏറെ പ്രതീക്ഷ നല്‍കി കൊണ്ടാണ് മോഹന്‍ലാലിന്റെ മാസ് ലുക്ക് എത്തിയിരിക്കുന്നത്.നെയ്യാറ്റിന്‍കര ഗോപന്‍ എന്ന മോഹന്‍ലാല്‍ കഥാപാത്രം ചില കാരണങ്ങളാല്‍ പാലക്കാട്ടെ ഒരു ഗ്രാമത്തില്‍ എത്തുന്നതും തുടര്‍ന്നുണ്ടാകുന്ന സംഭവങ്ങളുമാണ് ആറാട്ടിന്റെ കഥ. കെജിഎഫ് ചാപ്റ്റര്‍ വണ്ണിലെ വില്ലന്‍ രാമചന്ദ്ര രാജുവാണ് ആറാട്ടില്‍ മോഹന്‍ലാലിന് എതിരാളി ആയി എത്തുന്നത്. ഓഗസ്റ്റ് 12ന് ആണ് ചിത്രം റിലീസ് ചെയ്യുന്നത്.