പടവെട്ടിനായി നിവിന്റെ പുതിയ മേക്കോവര്‍; ‘ട്രാന്‍സ്ഫോമേഷന്‍ ലോഡിങ്’ എന്ന് ആരാധകര്‍

സിനിമ താരങ്ങള്‍ വരുത്തുന്ന മേക്കോവര്‍ ചിത്രങ്ങള്‍ എപ്പോഴും സമൂഹ മാധ്യമങ്ങളില്‍ ചര്‍ച്ചയാകാറുണ്ട്. ആടുജീവിതത്തിനു വേണ്ടി പൃഥ്വിരാജ് ശരീര ഭാരം കുറച്ചതും പത്തൊമ്പതാം നൂറ്റാണ്ടിനു വേണ്ടി സിജു വില്‍സണ്‍ നടത്തിയ ട്രാന്‍സ്‌ഫോര്‍മേഷനും ശ്രദ്ധേയമായിരുന്നു. ഇക്കുറി പടവെട്ടിനു വേണ്ടി നിവിന്‍ പോളിയുടെ മേക്കോവറാണ് സമൂഹ മാധ്യമങ്ങളില്‍ ചര്‍ച്ചയാകുന്നത്.
കഴിഞ്ഞ ദിവസമായിരുന്നു വര്‍ക്കൗട്ടിന് ഇടയില്‍ നിവിന്‍ പോളി ബൈസപ്പ്‌സ് കാണിച്ച് നില്‍ക്കുന്ന ചിത്രം സമൂഹ മാധ്യമങ്ങളില്‍ പ്രചരിച്ചത്. ചിത്രം ഉടന്‍ തന്നെ താരത്തിന്റെ ആരാധകര്‍ ഏറ്റെടുത്തു. 'നിവിന്‍ പോളിയുടെ ട്രാന്‍സ്ഫോമേഷന്‍ ലോഡിങ്', 'വിമര്‍ശിച്ചവര്‍ക്കുള്ള നിവിന്റെ മറുപടി' എന്നൊക്കെയാണ് ആരാധകര്‍ ചിത്രത്തെക്കുറിച്ച് പറയുന്നത്.സംസ്ഥാന പുരസ്‌കാര നിശയിലെ നിവിന്റെ സാന്നിധ്യവും ശ്രദ്ധേയമായിരുന്നു. കറുപ്പ് വസ്ത്രത്തില്‍ എത്തിയ താരത്തിന്റെ ചിത്രങ്ങള്‍ ആരാദ്ക്കര്‍ക്കിടയില്‍ വിരലായിരുന്ന്. ഗീതു മോഹന്‍ദാസ് സംവിധാനം ചെയ്ത മൂത്തോണിലെ പ്രകടനത്തിലൂടെയാണ് നിവിന്‍ പോളിക്ക് സംസ്ഥാന പുരസ്‌കാരം ലഭിച്ചത്.
അതെ സമയം നിരവധി ചിത്രങ്ങള്‍ താരത്തിന്റേതായി ഒരുങ്ങുന്നത്. പടവെട്ടിന് പുറമെ രാജീവ് രവി ചിത്രം തുറമുഖം, കനകം കാമിനി കലഹം, ബിസ്മി സ്‌പെഷ്യല്‍ തുടങ്ങി നിരവധി ചിത്രങ്ങളുടെ ഭാഗമാണ് നിവിന്‍. മമ്മൂട്ടി ചിത്രം പേരന്പിന്റെ സംവിധായകന്‍ ഒരുക്കുന്ന പുതിയ ചിത്രത്തിലും നിവിന്‍ പോളി അഭിനയിക്കുന്നതായി സൂചനകളുണ്ട്.നിവിന്‍ പോളി- രാജീവ് രവി ചിത്രം തുറമുഖം റോട്ടര്‍ഡാം ഇന്റര്‍നാഷണല്‍ ഫിലിം ഫെസ്റ്റിവലിലേക്ക് തിരഞ്ഞെടുക്കപ്പെട്ടിട്ടുണ്ട്. ചലച്ചിത്ര മേളയിലെ ബിഗ് സ്രീന്‍ വിഭാഗത്തിലാണ് തുറമുഖം മത്സരിക്കുന്നത്.
1950കളില്‍ കൊച്ചി തുറമുഖത്ത് നടപ്പിലാക്കിയ 'ചാപ്പ' സംവിധാനത്തിനെതിരായ പ്രതിഷേധത്തെ അടിസ്ഥാനമാക്കിയാണ് രാജീവ് രവിയുടെ പിരിയോഡിക്ക് ഡ്രാമ ഒരുങ്ങുന്നത്. ബിജുമേനോന്‍, ഇന്ദ്രജിത്ത്, മണികണ്ഠന്‍ ആചാരി, നിമിഷ സജയന്‍, പൂര്‍ണ്ണിമ ഇന്ദ്രജിത്ത് തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. തെക്കേപ്പാട്ട് ഫിലിംസിന്റെ ബാനറില്‍ സുകുമാര്‍ തെക്കേപ്പാട്ടാണ് ചിത്രം നിര്‍മ്മിക്കുന്നത്. ഇയ്യോബിന്റെ പുസ്തകത്തിന്റെ തിരക്കഥാകൃത്ത് ഗോപന്‍ ചിദംബരമാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.