ഐഎഫ്എഫ്ഐയില്‍ ഇടം നേടി നിറയെ തത്തകളുള്ള മരവും സണ്ണിയും

52-ാമത് ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് ഇന്ത്യ (ഐഎഫ്എഫ്ഐ) ഇന്ത്യന്‍ പനോരമ പ്രഖ്യാപിച്ചു.നിറയെ തത്തകളുള്ള മരം, സണ്ണി എന്നീ രണ്ട് മലയാള സിനിമകളാണ് പനോരമയില്‍ ഇടംപിടിച്ചത്. മലയാളിയായ യദു വിജയകൃഷ്ണകുമാര്‍ സംവിധാനം ചെയ്ത സംസ്‌കൃത സിനിമ ഭഗവദജ്ജുകവും ഇന്ത്യയുടെ ഔദ്യോഗിക ഓസ്‌കര്‍ എന്‍ട്രിയായ തമിഴ് ചിത്രം കൂഴാങ്കലും ഇന്ത്യന്‍ പനോരമയില്‍ ഉണ്ട്. സംവിധായകനും നടനുമായ എസ് വി രാജേന്ദ്ര സിങ് ബാബു അധ്യക്ഷനായ ജൂറി 25 സിനിമകളാണ് തിരഞ്ഞെടുത്തത്.ഗോവയില്‍ 2021 നവംബര്‍ 20 മുതല്‍ 28 വരെ ഐഎഫ്എഫ്ഐയുടെ 52ാം പതിപ്പ് നടക്കുന്നത്. മലയാളത്തിലെ ഫീച്ചര്‍ വിഭാഗത്തില്‍ നിന്നുള്ള രണ്ട് സിനിമകളാണ് ഇടം നേടി. അതേസമയം മലയാളത്തിലെ നോണ്‍ ഫീച്ചര്‍ വിഭാഗത്തിലുള്ള ചിത്രങ്ങളൊന്നും തന്നെ പനോരമയില്‍ ഇടം പിടിച്ചില്ല. 221 സമകാലിക ഇന്ത്യന്‍ ചിത്രങ്ങളില്‍ നിന്നാണ് 25 ചിത്രങ്ങള്‍ ഫീച്ചര്‍ വിഭാഗത്തിലേക്ക് തെരഞ്ഞെടുക്കപ്പെട്ടിരിക്കുന്നത്. അതില്‍ 203 നോണ്‍ ഫീച്ചര്‍ ചിത്രങ്ങളില്‍ നിന്നാണ് 20 എണ്ണം തെരഞ്ഞെടുത്തിരിക്കുന്നത്.