തരുണ്‍ മൂര്‍ത്തി ചിത്രം ‘സൗദി വെള്ളക്ക’; ചിത്രീകരണം അവസാനിച്ചു

തരുണ്‍ മൂര്‍ത്തിയുടെ പുതിയ ചിത്രം സൗദി വെള്ളക്കയുടെ ചിത്രീകരണം അവസാനിച്ചു. തരുണ്‍ മൂര്‍ത്തി തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. ചിത്രത്തിന്റെ തിരക്കഥയും സംവിധാനവും തരുണ്‍ മൂര്‍ത്തിയാണ് നിര്‍വ്വഹിക്കുന്നത്. ഏറെ വിജയം നേടിയ തൊണ്ടിമുതലും ദൃസാക്ഷിയും സത്യം പറഞ്ഞാല്‍ വിശ്വസിക്കുവോ എന്നീ ചിത്രങ്ങള്‍ക്ക് ശേഷം ഉര്‍വശി തിയറ്റേഴ്‌സിന്റെ ബാനറില്‍ സന്ദീപ് സേനനാണ് ചിത്രം നിര്‍മ്മിക്കുന്നത്. ലുക്മാന്‍, ബിനു പപ്പു, സുധിക്കോപ്പാ, കൊച്ചിയിലെ പ്രശസ്ത ചവിട്ടുനാടകക്കാരനായ ഐ.ടി. ജോസ്, ഗോകുലന്‍ എന്നിവരും ചിത്രത്തിലുണ്ട്. കൂടാതെ നിരവധി പുതുമുഖ താരങ്ങളും ചിത്രത്തില്‍ അണിനിരക്കുന്നുണ്ട്. അന്‍വര്‍ അലിയാണ് ചിത്രത്തിന്റെ ഗാനരചയ്താവ്. റക്‌സ് വിജയന്റെ പ്രധാന സഹായിയായിരുന്ന പാലി ഫ്രാന്‍സിസാണ് സംഗീത സംവിധായകന്‍. ശരണ്‍ വേലായുധനാണ് ഛായാഗ്രാഹകന്‍. എഡിറ്റിംഗ് നിഷാദ് യുസഫ് ,കലാസംവിധാനം. സാബു വിതര' കോസ്റ്റ്യം ഡിസൈന്‍ മഞ്ജുഷാ രാധാകൃഷ്ണന്‍, ചമയം മനു നിര്‍മ്മാണ നിര്‍വ്വഹണം ജിനു. പി.കെ. വാഴൂര്‍ ജോസ്.