മാലിക്കിന് ശേഷം ഫഹദ് മഹേഷ് നാരായണന്‍ കോമ്പോ; നെറ്റ്ഫ്ലിക്സ് ആന്തോളജിയില്‍

മാലിക്കിന് ശേഷം ഫഹദ് ഫാസിലും മഹേഷ് നാരായണനും വീണ്ടും ഒന്നിക്കുന്നു. എംടിയുടെ ആറ് കഥകള്‍ കോര്‍ത്തിണക്കിയ നെറ്റ്ഫ്ലിക്സ് ആന്തോളജിയിലൂടെയാണ് ഇത്തവണ ഇരുവും ഒന്നിക്കുന്നത്. ആന്തോളജിയില്‍ മഹേഷ് നാരായണന്‍ സംവിധാനം ചെയ്യുന്ന ഭാഗത്തിന്റെ ചിത്രീകരണം ആരംഭിച്ചിട്ടില്ല. 30 മിനിറ്റ് ദൈര്‍ഘ്യമുള്ള 10 ഭാഗങ്ങളായിട്ടാണ് നെറ്റ്ഫ്ലിക്സ് ആന്തോളജി എത്തുക. അവയില്‍ ഫഹദിന്റെ ഉള്‍പ്പെടെ ഏഴ് ഭാഗങ്ങളാണ് ഇതുവരെ പ്രഖ്യാപിച്ചത്. ഫഹദിന് പുറമെ മോഹന്‍ലാല്‍, മമ്മൂട്ടി, ബിജു മേനോന്‍, ആസിഫ് അലി എന്നിവരും ആന്തോളജിയില്‍ അണിനിരക്കുന്നുണ്ട്. പ്രിയദര്‍ശന്‍, ലിജോ ജോസ് പെല്ലിശ്ശേരി, ജയരാജ്, സന്തോഷ് ശിവന്‍ എന്നിവരാണ് മറ്റ് സംവിധായകര്‍. ഫഹദ് ഫാസിലിനെ കേന്ദ്രകഥാപാത്രമാക്കി മഹേഷ് ബാബു സംവിധാനം ചെയ്യുന്ന നാലാമത്തെ ചിത്രമായിരിക്കും ഇത്. ടേക്ക് ഓഫ്, സീ യു സൂണ്‍, മാലിക് എന്നീ ചിത്രങ്ങള്‍ ഇരുവരും ഒന്നിച്ചെത്തിയ മറ്റ് ചിത്രങ്ങള്‍.