‘പ്രണവിന്റെ ‘ദര്‍ശന’യ്ക്ക് ഒന്നരക്കോടി കാഴ്ചക്കാര്‍; ഗാനം സോഷ്യല്‍ മീഡിയയിലും വയറല്‍

നീണ്ട ഇടവേളയ്ക്ക് ശേഷം പ്രണവ് മോഹന്‍ലാല്‍ നായകനായി എത്തുന്ന സിനിമയാണ് 'ഹൃദയം'. വിനീത് ശ്രീനിവാസന്റെ സംവിധാനത്തില്‍ ഒരുങ്ങുന്ന ചിത്രത്തിലെ ആദ്യഗാനം പുറത്തിറങ്ങിയതിന് ശേഷം വലിയ സ്വീകാര്യതയാണ് ലഭിക്കുന്നത്. കഴിഞ്ഞ മാസം 15ന് പുറത്തിറങ്ങിയ ഗാനത്തിന് ഇപ്പോള്‍ റെക്കോര്‍ഡ് ആരധകരാണ്. ഇതിനോടകം 15 മില്യണ്‍ കാഴ്ചക്കാരാണ് 'ദര്‍ശന' ഗാനം കണ്ട് കഴിഞ്ഞത്. ? പ്രേക്ഷകരുടെ ഹിറ്റ്‌ലിസ്റ്റില്‍ ഇടം നേടിയ ഗാനത്തില്‍ ചില ട്വിസ്റ്റുകളും ഒളിഞ്ഞിരിക്കുന്നുണ്ട്. പ്രേക്ഷകര്‍ ഹൃദയത്തോട് ചേര്‍ത്ത ദര്‍ശന എന്ന ഗാനം ഇപ്പോഴും ട്രെന്‍ഡിങ്ങിലാണ്. കൂടാതെ പാട്ടിന്റെ ചിത്രീകരണ വിഡിയോയും വൈറലായി കഴിഞ്ഞു. ഗാനത്തിന്റെ രചനയും സംവിധാനവും നിര്‍വഹിച്ചിരിക്കുന്ന ഹേഷാം അബ്ദുള്‍ വഹാബാണ് ഇക്കാര്യം സമൂഹമാധ്യമങ്ങളിലൂടെ അറിയിച്ചിരിക്കുന്നത്. ഹേഷാമിനൊപ്പം ദര്‍ശന രാജേന്ദ്രനും ചേര്‍ന്നാണ് ?ഗാനം ആലപിച്ചിരിക്കുന്നത്. അരുണ്‍ അലാട്ടിന്റെതാണ് വരികള്‍ എഴുതിയിരിക്കുന്നത്. പാട്ടിറങ്ങിയതിനു പിന്നാലെ ട്രോളുകളും മീമുകളും ഒരുപോലെ തന്നെ പ്രേക്ഷകപ്രീതി നേടിയിരുന്നു. ഹൃദയം സിനിമയുടെ പ്രധാന ആകര്‍ഷണം ചിത്രത്തിലെ ഗാനങ്ങള്‍ തന്നെയാണ്. 15 ഗാനങ്ങളാണ് ചിത്രത്തില്‍ ഉള്ളത്. ഒപ്പം ഗാനങ്ങള്‍ ഓഡിയോ കാസറ്റ് ആയും ഓഡിയോ സിഡിയായും പുറത്തിറക്കുന്നുമുണ്ട്. അഞ്ചു വര്‍ഷത്തിന് ശേഷമാണ് വിനീത് ശ്രീനിവാസന്‍ സംവിധാന രംഗത്തു വീണ്ടും സജീവമാകുന്നത്. മെറിലാന്‍ഡ് സിനിമാസിന്റെ ബാനറില്‍ വിശാഖ് സുബ്രഹ്മണ്യമാണ് ചിത്രം നിര്‍മ്മിക്കുന്നത്.