‘മരക്കാര്‍’ വ്യാജന്‍; പ്രതികരണവുമായി മോഹന്‍ലാല്‍

'മരക്കാര്‍ അറബിക്കടലിന്റെ സിംഹം' എന്ന ചിത്രത്തിന്റെ വ്യാജ പതിപ്പ് ഇന്റര്‍നെറ്റില്‍ പ്രചരിക്കുന്നതില്‍ പ്രതികരണവുമായ മോഹന്‍ലാല്‍. അറിഞ്ഞോ അറിയാതെയോ അത്തരം കോപ്പികള്‍ കാണരുതെന്ന് അഭ്യര്‍ത്ഥിക്കുന്നുവെന്ന് മോഹന്‍ലാല്‍ പറഞ്ഞു. കോവിഡിന് ശേഷം ഉയര്‍ന്ന സിനിമ വ്യവസായത്തെ നശിപ്പിക്കുന്ന ഇത്തരം പ്രവണതക്കെതിരെ അണിചേരണമെന്നും മോഹന്‍ലാല്‍ കൂട്ടിച്ചേര്‍ത്തു ഫേസ്ബുക്ക് ലൈവിലാണ് താരം ഇക്കാര്യം വ്യക്തമാക്കിയത്. മോഹന്‍ലാലിന്റെ വാക്കുകള്‍; മരക്കാര്‍ അറബിക്കടലിന്റെ സിംഹം എന്ന വലിയ സിനിമയെ സ്വീകരിച്ച ലോകമെമ്പാടുമുള്ള കുടുംബ പ്രേക്ഷകര്‍ക്ക് നന്ദി. നമ്മള്‍ എല്ലാവരും സ്വതന്ത്ര്യത്തോടെ സമാധാനത്തോടെ ജീവിക്കുന്നതിന് പിന്നില്‍ ജീവത്യാഗം ചെയ്ത അനേകം മനുഷ്യരുണ്ടെന്ന ചരിത്രത്തിന്റെ ഓര്‍മ്മപ്പെടുത്തലാണ് ഈ സിനിമ. നിര്‍മ്മാണ ചെലവ് കാരണം വലിയ സിനിമകള്‍ മലയാള വല്ലപ്പോഴും മാത്രമേ സംഭവിക്കുന്നുള്ളൂ. ദൗര്‍ഭാഗ്യ വച്ചാല്‍ സിനിമയുടെ വ്യാജപതിപ്പുക്കള്‍ ഇന്റര്‍നെറ്റില്‍ വ്യാപകമായി പ്രചരിക്കുന്നത് ശ്രദ്ധയില്‍ പെട്ടിട്ടുണ്ട്. അറിഞ്ഞോ അറിയാതെയോ അത്തരം കോപ്പികള്‍ കാണരുതെന്ന് അഭ്യര്‍ത്ഥിക്കുന്നു. അത് നിയമ വിരുദ്ധവും ഒട്ടെറെ ജീവിതങ്ങളെ തകര്‍ക്കുന്ന പ്രവര്‍ത്തിയുമാണെന്ന തിരിച്ചറിവ് ഉണ്ടാകണം. കോവിഡിന് ശേഷം ഉയര്‍ന്ന സിനിമ വ്യവസായത്തെ നശിപ്പിക്കുന്ന ഇത്തരം പ്രവണതക്കെതിരെ നിങ്ങളും അണിചേരണം. വ്യാജപ്പതിപ്പുകള്‍ കാണുകയോ കാണാന്‍ പ്രോത്സാഹിപ്പിക്കുകയോ ചെയ്യാതിരിക്കുക. സിനിമക്ക് ആവശ്യമില്ലാത്ത കമന്റുകളൊക്കെയുണ്ടായിരുന്നു. അതൊക്കെ മാറി സൂര്യന്‍ കത്തി നില്‍ക്കുന്ന പോലെ സിനിമ മാറും എന്നാണ് എന്റെ പ്രതീക്ഷ.