‘യശോദ’; സാമന്തയുടെ പാന്‍ ഇന്ത്യന്‍ സിനിമയ്ക്ക് തുടക്കം

സാമന്ത കേന്ദ്ര കഥാപാത്രമാകുന്ന പാന്‍ ഇന്ത്യന്‍ ചിത്രം യശോദയ്ക്ക് തുടക്കമായി. ഇന്ന് ഹൈദരാബാദില്‍ വെച്ചാണ് ചിത്രീകരണം ആരംഭിച്ചത്. ഉണ്ണി മുകുന്ദനും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. ഹരിയും ഹരീഷ് ശങ്കറും ചേര്‍ന്നാണ് ചിത്രം സംവിധാനം ചെയ്യുന്നത്. തെലുങ്ക്, തമിഴ്, മലയാളം, ഹിന്ദി, കന്നഡ ഭാഷകളില്‍ ചിത്രം റിലീസ് ചെയ്യും. വരലക്ഷ്മി ശരത്കുമാറും സിനിമയില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. ശ്രീദേവി മൂവീസാണ് ചിത്രം നിര്‍മിക്കുന്നത്. വിഘ്നേശ് ശിവന്‍ സംവിധാനം ചെയ്യുന്ന 'കാത്തു വാക്കുള രണ്ടു കാതല്‍' എന്ന ചിത്രവും സാമന്തയുടേതായി അണിയറയില്‍ ഒരുണങ്ങുന്നുണ്ട്. വിഘ്നേശ് ശിവന്‍ തന്നെയാണ് സിനിമയുടെ തിരക്കഥയും നിര്‍വഹിക്കുന്നത്. വിജയി സേതുപതി, നയന്‍താര എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. വിഘ്നേശ് ശിവന്റെ നാലാമത്തെ ചിത്രമാണ് കാതുവാക്കുള രണ്ടു കാതല്‍. ആദ്യമായാണ് സാമന്തയും, നയന്‍താരയും ഒരുമിച്ച് ഒരു ചിത്രത്തില്‍ അഭിനയിക്കുന്നത്.